茶記食堂

不嬲都覺得佢d早餐好求其，不過勝在夠平 又就腳，所以都食過幾次。不過自從發生咗一件事後，令我以後冇再去過。

件事發生喺大半年前，而家先醒起寫食評。 (所以唔好得罪女人，好記仇😂)

話說我叫咗個咖哩雞飯，點知嚟到嗰啲白飯係生嘅，未熟透硬硬哋嗰隻。咁我就叫阿姐幫我換過個白飯啦，阿姐全程黑面，叫廚房換咗個飯，拎到埋嚟然後細細聲拋低一句: 硬啲都食唔到! 最嬲係，我食換咗個飯都仲係生㗎！換咗等於冇換！之後我食曬啲餸就走人。 之後我就冇再去過。

雖然去得茶餐廳都唔expect有咩服務，但係都唔係衰到咁呀？