Al Molo Ristorante Italiano (已結業)

是日晚飯在此，環境可以，但食物一般。叫咗個餐牌明明寫住：水牛芝士無花果沙律，點知嚟到嚇咗一跳，丁屎咁多多，得一粒仔無花果，仲要收你$168，實在離譜。是日餐湯問咗佢佢話係蘑菇湯，點知嚟到一陣黑松露味，咁點解你一早唔講係黑松露蘑菇湯。意粉叫咗個蜆肉蝦意粉，我明白手做意粉係有點硬，但都唔緊要，喂，咁你都俾心機整好個獻汁吖，完全冇汁冇味道😖未食過咁難食嘅意粉。只有個牛里脊ok. 仲有，要講其中一個侍應全情黑口黑面，問佢野唔想答你，完全冇笑容，埋單多謝都冇句，好似收錢煩到佢咁😓最後埋單仟二蚊實在唔值😰以後不再來。