影片
更多
2023-05-17
480 浏览
🌟餐廳：燒肉男 Yakiniku Otoko📍地址：將軍澳唐德街9號將軍澳中心1樓135號舖💰價位：$101-200⏰營業時間：星期一至日11:30 - 22:30📱電話：97671789住將軍澳嘅朋友介紹佢屋企附近新開咗間以和牛為題嘅燒肉店，放題岩哂成班朋友聚會，可以坐底一路食一路傾吓計～餐廳裝潢寬敞舒適，坐得舒服，成班friend慢慢食歎足成晚～———————————————————🔹牛肉齊集好多唔同款式同部位，包括有和牛肉眼蓋、澳洲M7和牛牛腹肉心、A5日本黑毛和牛友三角、澳洲M5和牛肩胛肉眼、牛板腱、日式胸腹肉同封門柳，每種牛嘅味道同埋肉質都唔同，好食得來各有特色！最愛大大塊嘅和牛西冷～油花分布非常均勻，食落肉質香濃重油香，口感軟嫩油脂鮮甜，真係大滿足！———————————————————🔹海鮮有魷魚、帆立貝、海蝦、鯖魚、廣島蠔等等，每款都好新鮮，特別推介廣島蠔飽滿肥美又可口！———————————————————🔹刺身今次揀嘅Set D 有三款刺身，包括係三文魚、吞拿魚同埋赤蝦，款款新鮮得來好鮮甜，厚切好有口感，燒肉店來講算係好唔錯！———————————————————
📍地址：將軍澳唐德街9號將軍澳中心1樓135號舖
💰價位：$101-200
⏰營業時間：星期一至日11:30 - 22:30
📱電話：97671789
住將軍澳嘅朋友介紹佢屋企附近新開咗間以和牛為題嘅燒肉店，放題岩哂成班朋友聚會，可以坐底一路食一路傾吓計～餐廳裝潢寬敞舒適，坐得舒服，成班friend慢慢食歎足成晚～
———————————————————
🔹牛肉
齊集好多唔同款式同部位，包括有和牛肉眼蓋、澳洲M7和牛牛腹肉心、A5日本黑毛和牛友三角、澳洲M5和牛肩胛肉眼、牛板腱、日式胸腹肉同封門柳，每種牛嘅味道同埋肉質都唔同，好食得來各有特色！最愛大大塊嘅和牛西冷～油花分布非常均勻，食落肉質香濃重油香，口感軟嫩油脂鮮甜，真係大滿足！
———————————————————
🔹海鮮
有魷魚、帆立貝、海蝦、鯖魚、廣島蠔等等，每款都好新鮮，特別推介廣島蠔飽滿肥美又可口！
———————————————————
🔹刺身
今次揀嘅Set D 有三款刺身，包括係三文魚、吞拿魚同埋赤蝦，款款新鮮得來好鮮甜，厚切好有口感，燒肉店來講算係好唔錯！
———————————————————
🔹蟹味噌甲羅燒
估唔到有蟹味噌甲羅燒～見到即點！先放上爐燒2分鐘烘熱蟹籽同蟹膏，之後就可以加入鵪鶉蛋再燒多3分鐘～入口蟹膏味道超級香濃，配上蟹籽鮮味十足，燒緊嘅時候已經聞到陣陣香氣！！真係好邪惡好好食！
———————————————————
🔹甜品
甜品種類繁多而且仲係任食添架！岩哂甜品控既我！！除咗有Movenpick雪糕仲有香蕉新地筒、牛角包窩夫等等，窩夫仲可以自己揀口味，有齊抹茶、tiramisu揀，超多選擇～
———————————————————
🔹飲品
Set D除咗有各式汽水飲品之外，仲有任飲生啤、清酒、梅酒。燒肉配埋酒，絕對係食飽飲醉又滿足嘅一餐！！
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
臨走時店員仲話而家做緊推廣優惠，Lunch Time Set C/D買一送一，Dinner Set C/D/E 2人享8折、3人享75折、4人享7折，Set C/D/E三款都係放題，全日都有供應～真係好抵食呢！
张贴
