太子冰室 (已結業)

今日路經，見到寫住牛扒之選定乜鬼，就午餐走去試下，叫左個紅酒乜乜肉眼扒+薯菜+餐湯（$58）凍飲（+$2）。黎到既時候都有8成滿叫左紅湯，黎既速度快，但可能平時食開果間既紅湯比較濃稠，相對依間比較稀水啲，但有料。跟住黎凍飲，奶茶少甜少冰，算係做到，但味道一般。但仲飲緊湯既時候突然黎個焗飯，叫番上菜條友唔知佢聽唔到定乜，叫兩聲都唔轉番過黎。最後揾第二個黎攞走，我見湯飲完，等左陣個主菜都未黎就揾人跟跟單，我以為佢寫錯焗飯，岩岩叫完個主菜就黎。個主菜有兩大塊牛扒同薯菜，牛扒唔同一般茶記果啲，而真係有厚度既牛扒，一塊突別厚，但果然太厚，熟過頭，咬落好靭有汁但冇牛味，冇咁厚果個就好咬啲，「林」啲，但一樣冇牛味，果個紅酒汁，可能我冇乜食過好野，冇紅酒味，得少少酸味。薯菜就係老麥薯條，數量比我隔離枱既偏少。同樣係牛扒，但可能係午餐，質量冇咁講要求，但依次既經驗令我懷疑係咪真係牛扒之選？