影片
更多
2021-04-08
46 浏览
「爆辣冷麵」係元朗開業多年，主打小食撈麵，好多街坊同學生都會黎幫襯，最特別係呢度嘅辣醬係老闆自家製嘅，用上辣椒、指天椒、燈籠椒同蒜粒猛火炒製3小時而成架。小店嘅餐牌上選擇唔多，今日就試左佢地嘅招牌菜： 爆多蟹籽冷麵、袋袋撈撈麵同埋細撈啦。爆多蟹籽冷麵：網上見到呢款冷麵日賣超過100盒，我又點可以唔試下呢？冷麵有分七個辣度，分別係唔辣／蚊仔辣／小／中／大／ 爆／爆爆爆。蒜香味濃嘅冷麵加入辣醬後，上面再鋪上海量嘅蟹籽，完全係可以用「一片橙海」黎形容，真係每一條麵都沾到d蟹籽架，以＄35黎講絕對係超值。喜歡食辣但係第一次食嘅我，今次試左小辣，口感彈牙嘅冷麵，配上辣醬同蟹籽，非常惹味，辣度剛剛好。袋袋撈撈麵：呢款冷麵相信係好多人學生年代嘅回憶。冷麵加入自選配料後再加入秘製醬汁而成嘅撈麵。同「爆多蟹籽冷麵」一樣，辣度一樣有七個辣度。冷麵加蟹籽、芫荽同秘製辣汁撈埋一齊食，口感同味道都好豐富，以＄15/3包或$18/4包黎講，份量都算幾多，都算抵食。細撈:除左麵之外，仲可以追加小食。今次試左「細撈」。「細撈」嘅配料有魚片、大腸、腸仔、粟米、牛肚、蟹柳、蟹籽、魷魚、火腿丸同墨魚丸，撈埋辣汁後都算係一味
小店嘅餐牌上選擇唔多，今日就試左佢地嘅招牌菜： 爆多蟹籽冷麵、袋袋撈撈麵同埋細撈啦。
爆多蟹籽冷麵：
網上見到呢款冷麵日賣超過100盒，我又點可以唔試下呢？
冷麵有分七個辣度，分別係唔辣／蚊仔辣／小／中／大／ 爆／爆爆爆。
蒜香味濃嘅冷麵加入辣醬後，上面再鋪上海量嘅蟹籽，完全係可以用「一片橙海」黎形容，真係每一條麵都沾到d蟹籽架，以＄35黎講絕對係超值。喜歡食辣但係第一次食嘅我，今次試左小辣，口感彈牙嘅冷麵，配上辣醬同蟹籽，非常惹味，辣度剛剛好。
袋袋撈撈麵：呢款冷麵相信係好多人學生年代嘅回憶。冷麵加入自選配料後再加入秘製醬汁而成嘅撈麵。
同「爆多蟹籽冷麵」一樣，辣度一樣有七個辣度。冷麵加蟹籽、芫荽同秘製辣汁撈埋一齊食，口感同味道都好豐富，以＄15/3包或$18/4包黎講，份量都算幾多，都算抵食。細撈:
除左麵之外，仲可以追加小食。今次試左「細撈」。
「細撈」嘅配料有魚片、大腸、腸仔、粟米、牛肚、蟹柳、蟹籽、魷魚、火腿丸同墨魚丸，撈埋辣汁後都算係一味相當開胃嘅小食，個人最喜歡嘅係魷魚，相當有口感。小店5月就會搬到西菁街富盛大廈89號地下架啦，依加嘅地址只會做到4月尾，想去又一新城分店嘅就要快啦。
张贴
