影片
更多
2018-08-17
76 浏览
最近因為皮膚狀況唔係太好, 所以依幾個月都食少咗牛肉, 但係今日實在係頂唔順決定要放縱一下自己, 約咗個食肉獸朋友去食燒肉, 朋友就介紹咗依間日本餐廳, 上網見到啲相就已經俾牛小排深深吸引咗, 所以一於去試吓佢啦!首先餐廳雖然空間唔係好大, 但係客人嘅位置又安排得好鬆動, 裝潢都令人有種置身日本嘅感覺。而且閒日都客滿, 可見餐廳真係好受歡迎, 幸好預先book咗位, 所以不用等位就可以入座了。餐牌多選擇, 提供嘅牛部位都有好多選項。除咗我一早已經諗定要食嘅美國Prime 牛小排$138之外, 仲叫咗磯煮鮑魚$98、美國Prime牛角切$168、豚腩肉(鹽燒) $80 、日本產阿波尾雞腿肉 $84 、日本安曇野豆腐沙律 $62、牛油炒雜菜 $52、海膽炒飯 $108 、和匠海神稻庭手打烏冬(+$5 地獄湯 )$101。飲品就叫咗SAPPORO $30 同 Passion fruit mocktail $28。首先上前菜。日本安曇野豆腐沙律 $62 - 份量比想像中多, 而且麻醬味道好好, 菜又新鮮, 唔錯磯煮鮑魚$98 - 鮑魚好大隻而且煮得夠軟, 仲有少少彈牙! 口感好好 ! 味道又剛
首先餐廳雖然空間唔係好大, 但係客人嘅位置又安排得好鬆動, 裝潢都令人有種置身日本嘅感覺。而且閒日都客滿, 可見餐廳真係好受歡迎, 幸好預先book咗位, 所以不用等位就可以入座了。
餐牌多選擇, 提供嘅牛部位都有好多選項。
除咗我一早已經諗定要食嘅美國Prime 牛小排$138之外, 仲叫咗磯煮鮑魚$98、美國Prime牛角切$168、豚腩肉(鹽燒) $80 、日本產阿波尾雞腿肉 $84 、日本安曇野豆腐沙律 $62、牛油炒雜菜 $52、海膽炒飯 $108 、和匠海神稻庭手打烏冬(+$5 地獄湯 )$101。飲品就叫咗SAPPORO $30 同 Passion fruit mocktail $28。
首先上前菜。
日本安曇野豆腐沙律 $62 - 份量比想像中多, 而且麻醬味道好好, 菜又新鮮, 唔錯
磯煮鮑魚$98 - 鮑魚好大隻而且煮得夠軟, 仲有少少彈牙! 口感好好 ! 味道又剛剛好, 唔咸但有鮮味
之後燒肉就出場了職員仲會教你點燒更好味! 服務態度好好啊。
美國Prime 牛小排$138 - 一見到塊牛肉嘅紋路分佈就已經急不及待想食, 肥瘦適中, 肉質好軟, 入口即溶, 肉汁豐盛 唔需要點汁食都已經好滋味!!
美國Prime牛角切$168 - 肉質鮮紅又新鮮, 而且牛味好濃好有咬口, 雖然價格唔平, 但係有依種質素真係物有所值啊
豚腩肉(鹽燒) $80 - 本身無抱太大期望, 但係有驚喜! 腩肉嘅油分係燒嘅過程被逼晒出黎, 而且會燒到表面脆脆的, 點一點燒汁或者鹽油已經好好味。
日本產阿波尾雞腿肉 $84 - 就咁望佢嘅色水已經同平時食燒肉見到嘅雞肉已經唔同, 好粉嫩! 而且燒得耐都完全唔會鞋 仲有肉汁, 好味
牛油炒雜菜 $52 - 菜式簡單但係醬汁好好味!
海膽炒飯 $108 - 係我角度叫海膽是好冒險的, 因為靚海膽就真係好鮮甜, 但係唔新鮮嘅話就只有苦味, 幸好依間餐廳嘅海膽靚, 海膽令到飯粒充滿鮮甜嘅味道, 而且師傅將飯粒炒得好香, 粒粒分明又飽滿, 口感好好!
和匠海神稻庭手打烏冬(+$5 地獄湯 )$101 - 麵控嘅我食到好飽都忍唔住再叫多個海鮮辣烏冬, 但係真係好好味, 首先真係好多海鮮, 好多蜆肉同蝦仁, 最驚喜係有兩粒好大粒嘅帆立貝完全估唔到, 而且個湯辣得黎好鮮甜, 烏冬彈牙又索湯, 好好味!
埋單$1044, 人均$500左右, 其實唔算便宜, 但係質素好, 服務好, 值啦!
张贴
