麴町 (已結業)

元朗有好多值得我哋支持，懲罰嘅小店，呢間係其中一間，食完之後我仲念念不忘。位於後巷，位置唔算好易位既舖頭，居然條人龍係源源不絕。餐廳主打章魚燒，仲要有多種口味，真係睇到我眼花撩亂之餘仲心大心細唔識點揀。（最後決定權俾咗男朋友）蟹籽章魚燒即叫即做（由於人龍有啲長度，餐廳仲可以電話落單）所以要有心理準備花上十幾分鐘等候。棒到上手，大大粒熱辣辣，第一啖食落去：係我香港食過最好食嘅章魚燒！外層不黐口，仲有幾分煙韌，醬料配料都相當充足（有多添），入邊粒章魚比起一般大粒，而且爽口彈牙！一盒六粒一分鐘秒清左。餐廳亦都提供好多其他小食，仲有優惠價加配，當日都見到唔少人買住兩三袋，有機會我都要試吓啤小食，同再食多好多次章魚燒先得。餐廳門面好細，但相當有特別，更會為同區餐廳做宣傳，見證到小店之間既合作精神。