名館 (已結業)

是日同朋友一行三人係銅鑼灣Shopping~ 同朋友去街最重要的一個環節當然就係食晚飯~~~行左成日行到腳都跛，當然要搵個舒適好地方坐低，享受下美食之餘再交換下大家近況~~去到希慎頂幾層餐廳行左個圈，最後決定食一餐久違的中菜！入到名館，雖然時間尚早，但已經見到有好多客人坐低左了，我地三個人點左五個菜加兩杯飲品，係超級滿足既一餐，食物同服務質素都係一級棒！第一碟厚切叉燒皇，已經令我食指大開！肥瘦均稱的叉燒，咬口一流！肉質嫩滑到一個點，完全感受到d肉有幾咁新鮮，十分十分推介！第二款係金銀蒜蒸勝瓜金菇，本人好怕清淡無味烹調的蔬菜，呢碟因為有蒜調味，味道好香，而且勝瓜亦很清甜很嫩，加埋金菇，口感更豐富，係健康又惹味的一款菜！難得合我呢個食肉獸既口味~~~呵呵！有肉有菜當然唔少得飯！石窩鮑魚雞粒炒飯~神奇的是呢個炒飯係不加蛋的~飯粒粒分明，鮑魚同雞粒味道很夾，食到底仲有香脆飯焦食！因為太好食，胃口完全大開，所以要叫多兩個小食先夠皮~~~先係鮮肉一口小籠包，然後再加一個跳tone的印度咖哩手撕餅，小籠包一口一個，肉餡足料又好咬感，皮薄餡靚！咖哩手撕餅姐係類似印度咖哩簿餅，用呢個代替甜品，我地又可以