熊拉麵 (蘇杭街)

营业中

休息中

由日本旅行返黎，當然對日本野依依不捨啦，所以返到黎專登揀返間拉麵黎食下，叫做緬懷一下日本既拉麵。黎到呢到當然食返碗招牌既熊拉麵。一第埋黎已經聞到豚骨香味的湯底，一啖啖試下湯味，濃濃的豚骨味加上蔥同埋木耳既香味。拉麵呈幼薄，麵條分明而口感幼嫩。至於份叉燒係梅頭，除左瘦之外亦夠薄，肉質結實但唔會鞋口。溏心蛋一篤即爆，蛋槳無流出黎但口感頗滑溜。由於我認為只有蔥同木耳既配料未夠，我再自己加上酸菜同辣芽菜吊吊味，即時令我胃酸增多，胃口大增，尤其辣芽菜像泡菜味似的，最後令我再追加一份麵底先夠喉呀。