影片
更多
2019-06-29
236 浏览
上星期8點行過見到終於開左新野，仲主打食牛添，就同女友仲有兩個自稱牛摩王既大隻佬，抱住試新野既心態入左去。一入去個姐姐就帶我地坐長枱既正中間，由於兩個大隻佬朋友都頗為大份，坐係中間都幾擠迫，佢地又怕會撞到人，咁岩見到梳化有人走，問姐姐可唔可以坐梳化，姐姐竟然叫我出門口攞飛等等。但係女友又話好想試下，咁唯有等下啦，好彩果陣冇咩人唔算旺，等左15分鐘就有位。再次入到去，終於有梳化坐，但對正廚房出入口，係(好)嘈姐其實都冇乜問題既？？嗌左：1.波菜湯x2（冇乜味 麻麻地）2.牛頭包牛尾（牛角包入面有湯 發水麵包咁 超難食）3.超級沙律（用普通芝麻汁撈 冇乜特別）4.和牛漢堡（冇乜牛味 肉質太淋又散）5.煙三文魚蕃茄長通粉（又鹹又有燶味）6.松露野菌意大利飯（勁多油 啲忌廉炒到出哂油）7.紅酒燴牛面肉（肉質ok 但$128得三片?）8.威靈頓牛柳（好細舊 過左火 牛柳好"un"）9.Latte x3（全晚成餐飯最正常）最後總結: 呢餐食左一千蚊，主打食牛但係無樣得，出餐次序又錯哂又慢，本來想搵經理反映下，但樣樣都咁差唔好意思開口，廢寧人地以為我地想R著數啦。最後女友食到扁哂嘴，連兩個鐘意食牛既
一入去個姐姐就帶我地坐長枱既正中間，由於兩個大隻佬朋友都頗為大份，坐係中間都幾擠迫，佢地又怕會撞到人，咁岩見到梳化有人走，問姐姐可唔可以坐梳化，姐姐竟然叫我出門口攞飛等等。
但係女友又話好想試下，咁唯有等下啦，好彩果陣冇咩人唔算旺，等左15分鐘就有位。
再次入到去，終於有梳化坐，但對正廚房出入口，係(好)嘈姐其實都冇乜問題既？？
嗌左：
1.波菜湯x2
（冇乜味 麻麻地）
2.牛頭包牛尾
（牛角包入面有湯 發水麵包咁 超難食）
3.超級沙律
（用普通芝麻汁撈 冇乜特別）
4.和牛漢堡
（冇乜牛味 肉質太淋又散）
5.煙三文魚蕃茄長通粉
（又鹹又有燶味）
6.松露野菌意大利飯
（勁多油 啲忌廉炒到出哂油）
7.紅酒燴牛面肉
（肉質ok 但$128得三片?）
8.威靈頓牛柳
（好細舊 過左火 牛柳好"un"）
9.Latte x3
（全晚成餐飯最正常）
最後總結: 呢餐食左一千蚊，主打食牛但係無樣得，出餐次序又錯哂又慢，本來想搵經理反映下，但樣樣都咁差唔好意思開口，廢寧人地以為我地想R著數啦。最後女友食到扁哂嘴，連兩個鐘意食牛既朋友都話唔會再幫襯。
題外話：
坐正廚房門口又打開哂道門，聽到有個男人係咁大大聲鬧人，十句有5句都係話: 你地識字架 自己睇單啦。
第一次聽到都幾好笑，食成餐飯聽左個幾兩個鐘其實都真係好煩同好嘈，其實點解唔可以閂返道門先鬧？
ps.出餐太慢，啲野食一黎到就秒清，所以冇影到食物相，淨係影左張menu，但賣相係ok既。
张贴
