韓屋

想食韓國嘢，梗係去尖沙咀嘅韓國街啦～今日就去咗間韓國家庭味道嘅小店，食嘅嘢就比較清淡嘅，啱晒鍾意健康嘅寶寶呀～我就覺得味道唔錯啦

原味餃子王
好大隻，賣相好可愛❤️,味道確實比較清淡，點少少醬汁更加好味。

牛排骨湯加穀米飯
以往我覺得牛排骨湯係會比較肥膩，但係呢一個係好清同埋冇油，雖然睇落去好清淡，但係牛骨味都幾重，好味，真係覺得冇落味精，我鍾意將d飯落個湯度一齊食，更加加分係佢配穀米飯，好喜歡❤️

帝王蟹膏蟹肉煎餃子
新鮮煎好香口，真係蟹肉味同蟹膏味，味道不錯。