立鮨 (金馬倫廣場)

遇到立鮨前，基本上我唔會幫襯企係度食既餐廳，但遇到立鮨後，都回頭幫襯了三次。

相對其他壽司店，立鮨選擇會比較少，但我已試過餐牌既大部分，每樣都算高質，依家點選幾樣我最鐘意既介紹下。

火炙大吞拿魚腩海苔壽司 $50/件
Lee款係我encore再encore 之一
整完師父推介即食，紫菜仲係脆，配上火炙吞拿魚腩，香味撲鼻，亦沒有油膩感，大推！

和牛壽司 $58/件
放左落口，有種唔想吞既享受😋

大吞拿魚腩壽司 $48/件
唔洗我講，大家淨睇相應該都感受到有幾肥美❤️
入口即溶，我心心念念會掛住既壽司

北海道特大珍寶帶子壽司 $38/件
超正，鮮甜肥美，勁fresh感覺