佢位置交通方便，招牌醒目，好容易揾。聽聞落雨免費送雨遮，唔使驚落雨出去食飯冇遮返去， 服務貼心。
裡面地方夠闊落坐得舒服，卡座沙發位置多， 而且有圓枱， 適合家庭聚餐。
🥢辣椒炒肉：湖南鑊氣辣椒炒肉，豬肉嫩滑辣椒香，撈飯一流。
🥢湘味酸菜魚
湯底濃郁， 魚片好滑，加上特別嘅湘式煮法， 有別於一般酸菜魚，更加惹味香濃。
🥢膠原脆皮豬手
湖南秘製滷水慢煮12個鐘，豬手炸到外脆內糯骨膠原爆棚，食完皮膚靚哂。
🥢乾鍋肥腸
肥腸份量好多， 加埋其他配料， 愛嚟送飯，真係一流。好食到停唔到口。
🥢湘式拌魚皮
魚皮爽脆， 醬汁有淡淡的芥末味， 食落特別開胃。而且份量足夠，系必點的一個好菜。
🥢麻花糍粑
有別於一般的紅糖糍粑， 形狀系扭花型， 咬落鬆軟Q彈，點埋醬汁，特別香口，令人食完一件又一件。
🥢鴨屎香檸檬茶
超級大杯， 配上辣味的湘菜， 完美結合。
🥢西瓜檸檬茶
西瓜汁內有淡淡的檸檬茶味，又甜又酸好過癮，又係超級大杯， 解渴一流。
