茶屋町 (長沙灣道) (已結業)

臨收工前，俾老細點咗去深水埗送份急件，本來呢啲嘢都唔係我負責做的，都係多得個豬一般嘅隊友同事又甩漏，睇漏咗個電郵。唉! 你豬就搞到我。算! 送完嘢，鬱鬱悶悶走去食嘢。    行到呢度，見間餐廳個名好熟，諗起今年三月到過的大阪，好想再去多次喔! 去多幾次都得喔!    望入去，四四正正，都費事再行，一於入去食個丼。    坐到好入，望返出去，見到好多貴族 (單身嗰種) 幫襯。     睇完餐牌有咩食，就劃咗食一個吉列雞扒定食 $58 和一罐原味梳打 $12。       【原味梳打】   罐上面印住 “使用純水”，又印住 “合成著色料”、“合成甘味料”、 “味道似波子汽水”不使用，即係無人造化學嘢啦，飲得安心。味道就好似波子汽水。       【麵豉湯】   跟平時飲開的唔同，呢個湯裡面有大大個豆卜，索咗來食好味啲。仲有係，湯裡面竟然係有冬瓜粒，變相成為中、日 fusion麵豉湯 ，天時熱食冬瓜都幾好呀，可以消暑。       成個丼分咗5小格。第一格有甜雞蛋、紫藉、海帶，是典型丼必配的配菜。第二格係牛蒡，呢樣少見啲，但係，聽講食牛蒡係好健康的，呢間餐廳都好關心食客喎。第三格係吉列雞扒