我地都好中意食中菜
咁岩我地經過見到呢間京川滬菜
就決定入去試下
餐廳裝修好有心思，有好多閃燈
有格調得黎帶點浪漫
餐牌有好多選擇，豬雞牛羊都有
季節限定以蟹膏做主題，好吸引
回鍋肉呢道菜好經典，但做得好一點都不容易
但呢碟做得好出色
鑊氣十足，做到回鍋既味道
豬肉好香口，好好送飯
菠蘿咕嚕肉咕嚕肉做到外脆內軟，加上酸酸甜甜既醬汁
又一道送飯名物
蟹粉扒菜苗蟹粉好足料，佈滿整碟菜苗
好香口，令菜苗都變得邪惡
味道做到平衡，好高質既一道菜
擔擔麵擔擔麵湯底好濃郁得黎香辣
麵條掛湯，食得好惹味
