高興+ (已結業)

同朋友係北角經過見到呢間叫高興既餐廳，見環境都幾靚，就入去食晚餐試下啦餐廳環境嘅裝修同擺設充滿懷舊復古嘅味道，幾有特色而餐牌方面，食物嘅款式都幾多，包括：意大利粉、意大利飯、日式咖喱、主菜、小食、特色飲品同甜品等等，令人花多眼亂。而且價錢都幾親民，叫多幾款都唔怕先來飲品，我就叫咗杯青檸白茶益力多，青檸味都幾出，配埋益力多酸酸甜甜，好解渴而朋友就叫咗菠蘿香蕉牛奶沙冰，賣相幾靚，試咗一啖，菠蘿同香蕉都幾夾，而且奶味都好重，唔錯小食方面我哋叫咗串燒香烤牛柳粒，牛柳粒大約七成熟，所以食落有肉汁，點埋旁邊個醬汁，令牛味更出雞中翼配牛油果醬忌廉醬，雞翼外皮幾脆，而肉質幾嫩，點牛油果醬又估唔到味道幾夾喎。牛油果醬好creamy雜菌西班牙腸，西班牙腸幾香口，連埋雜菌一齊炒好惹味，下面又墊住啲生菜中和下，唔錯唔錯鹹蛋黃卡邦尼煙肉意大利粉，上面有個雪糕筒插着，賣相好特別，卡邦尼就食得多，但配埋鹹蛋黃都係第一次，淡淡既鹹蛋黃味，令意粉更香，味道更濃郁高興得食北京填鴨漢堡，個名好有趣，漢堡夾着厚厚既鴨肉，肉質唔算好乾，幾香鴨口味，配埋醬汁，又真係有幾分似食緊北京填鴨，薯條炸到外脆內軟，有薯香，讚！