Muse Burger (已結業)

喺灣仔嘅鬧市中發現咗間酒店Lobby 同餐廳嘅「合成獸」，好奇下同朋友一探究竟。發現原來係一間新開以動漫二創壁畫做主題嘅漢堡店。牆上嘅壁畫由舊到新嘅動漫都有齊哂，等緊餐嘅時候就考考自己數唔數得哂啲角色出嚟啦！MUSE漢堡以店名命名嘅主打Burger 點都要試吓， 超厚身嘅安格斯漢堡扒，仲有煎香嘅荷包蛋，烤洋蔥，車打芝士同煙肉。秘制嘅醬汁好開胃！香辣貝爾芝士羊堡係最有驚喜嘅漢堡！秘制嘅辣醬汁同金文畢芝士好夾，半溶咗嘅芝士加上羊嘅騷味好有層次感。隱約嘅孜然味愈食愈出，喺口中留香甚久。