The Blind Pig (諾士佛臺) (已結業)

The blind pig會提供酒吧小食同埋雞尾酒🍹通常我都會嚟Happy Hour chill一陣順便食埋晚餐!英式豬肉腸卷💯呢個豬肉卷真係要俾一百分佢！外層酥皮勁鬆化，有千層feel，然後中間豬肉部份軟綿綿，味道帶少少鹹香似午餐肉，但係口感完全唔肥膩，有種喺口裏面慢慢溶化嘅質感！好味道令人好奇烹調方法😋新豬肉肉醬意粉🍝 配搭酸酸甜甜嘅茄醬，特別開胃！唔單止身豬肉份量多，仲可以食到好香芝士味！連素食者都啱食㗎！歐式脆皮乳豬薯蓉雜菌😍絕對會係一試愛上嘅乳豬質感！這個乳豬髀肉質非常之嫩滑，初生嘅嫩滑真係不同凡響，豬皮燒得非常香脆，一咬落口會卡滋一聲，皮下帶薄薄一層脂肪，食起地有濕潤感但係唔覺得油膩。仲有好多蘆筍同埋香菇做伴菜，加埋黑松露醬薯蓉真係大滿足呀！香蕉麵包布甸拖肥醬雲呢拿雪糕🍦非常濕潤的麵包布丁🍮固然好味，唔會太甜，去埋濃郁嘅雲呢拿雪糕🍦最鍾意食反而係香蕉😂因為香蕉上面有一層焦糖，即刻燒非常脆口，這種苦中帶甜甜中帶苦嘅焦糖特別有吸引力🧲