影片
更多
2018-04-22
533 浏览
朋友生日，平日只去九龍食飯，今晚佢提議去佢屋企附近間新餐廳食。起初以為佢懶到咁，唔出九龍都算，仲要係屋企附近食生日飯，上openrice睇又未有人review，不過壽星女話點就點啦入到鋪頭，人流唔多，但氣氛唔錯，大家講野靜靜地又有音樂的確幾岩一班朋友傾計食飯，食落仲估唔到咁有驚喜，決定要上黎介紹返！我地四個人點左：意式雜菜湯南瓜忌廉湯 香蒜欖油虎蝦意粉法國燒春雞all day breakfast朱古力心太軟黎左兩個湯先，其中一個fd搶飲頭啖南瓜忌廉湯後，誇張到大大聲話好好味飲落就明佢點解咁誇，唔係杰撻撻似糊仔嘅忌廉湯，幼滑之餘，南瓜味仲要岩岩好，飲完個湯當堂有返d期待。之後上嘅係壽星女強烈推介嘅香蒜欖油虎蝦意粉，我地三個一試，即刻餓鬼爭食，相都無影就好快清碟。佢唔係出面食開軟淋淋油立立嘅意粉，係爽口乾身嘅香蒜意粉，而虎蝦亦唔係普通貨色，一個簡單嘅意粉就睇得出煮嘅人好有誠意之後叫左個all day breakfast，四個人share邊傾計邊食，其實係為左等壓軸嘅法國燒春雞。初頭坐openkitchen附近，見大廚係焗爐拎隻雞出黎，以為即刻食得，估唔到佢仲拎隻雞去炸一炸外皮先上碟。一放低
今晚佢提議去佢屋企附近間新餐廳食。
起初以為佢懶到咁，唔出九龍都算，
仲要係屋企附近食生日飯，
上openrice睇又未有人review，
不過壽星女話點就點啦
入到鋪頭，人流唔多，但氣氛唔錯，
大家講野靜靜地又有音樂
的確幾岩一班朋友傾計食飯，
食落仲估唔到咁有驚喜，決定要上黎介紹返！
我地四個人點左：
意式雜菜湯
南瓜忌廉湯
香蒜欖油虎蝦意粉
法國燒春雞
all day breakfast
朱古力心太軟
黎左兩個湯先，
其中一個fd搶飲頭啖南瓜忌廉湯後，
誇張到大大聲話好好味
飲落就明佢點解咁誇，
唔係杰撻撻似糊仔嘅忌廉湯，
幼滑之餘，南瓜味仲要岩岩好，
飲完個湯當堂有返d期待。
之後上嘅係壽星女強烈推介嘅香蒜欖油虎蝦意粉，
我地三個一試，
即刻餓鬼爭食，相都無影就好快清碟。
佢唔係出面食開軟淋淋油立立嘅意粉，
係爽口乾身嘅香蒜意粉，而虎蝦亦唔係普通貨色，
一個簡單嘅意粉就睇得出煮嘅人好有誠意
之後叫左個all day breakfast，
四個人share邊傾計邊食，
all day breakfast
59 浏览
0 赞好
0 留言
其實係為左等壓軸嘅法國燒春雞。
初頭坐openkitchen附近，
見大廚係焗爐拎隻雞出黎，以為即刻食得，
估唔到佢仲拎隻雞去炸一炸外皮先上碟。
一放低朋友切左一刀就知今次真係要影相，
法國燒春雞
$128
39 浏览
0 赞好
0 留言
法國燒春雞
43 浏览
1 赞好
0 留言
因為切左一刀已經有好多肉汁流出黎，
食落係外脆內軟，
連雞胸都係軟滑，唔係冰鮮鞋口，
真係好大驚喜！！
朱古力流心蛋糕
42 浏览
0 赞好
0 留言
最後黎個流心朱古力，
當做壽星女小小嘅生日蛋糕，
今晚真係夠曬完滿
埋單問返收銀姐姐先知係一家人開，
難怪有心機又有水準，真係值得回頭支持。
下次食飯多個理由過港島！
张贴
