J POT (已結業)

一向都好喜欢打边炉，可以话系一个”火锅痴”，所以今日喺铜锣湾见完过客之后，约咗三个同事食晚饭，揾到呢间用周杰伦做主题嘅火锅店，咁啱有个同事系周杰伦嘅超级粉丝，于是大家一于去呢度试吓。一入到去就会听到周杰伦嘅歌，好熟悉嘅感觉，环境都几舒服。不过一间火锅店最重要既系佢嘅食材新唔新鲜同埋个汤底好唔好味，我哋见到呢个火锅套餐，入面有好多唔同嘅海鲜，所以我哋一于试吓睇吓好唔好味。首先就嚟𠮶个龙虾海鲜汤底，其实个汤底可以就咁倒少少出嚟饮下，超级鲜甜😍😍 呢个海鲜拼盘真系不得了，啲带子啊鲍鱼劲新鲜，配住个龙虾海鲜汤底，带出哂呢啲海鲜嘅鲜味。当然仲有其他肉类啦，有澳洲和牛，又有猪颈肉，亦有唔同类型嘅丸同埋饺。当然唔少得系素菜类嘅食物啦。系食完啲主菜之后，会有侍应过嚟帮你将个汤底整成泡饭，将成个火锅嘅海鲜精华整成每人一碗好美味嘅泡饭。最后仲有两个好好味嘅刨冰作为甜品。食完呢餐饭感觉，系佢嘅食材同埋汤底都好有令人好满足嘅感觉，绝对推荐食呢间餐厅。