影片
更多
2022-05-01
32 浏览
人生有幾多次可以升職加人工，的確係十隻手指可以數得哂🤣所以男朋友升職，當然要食返餐好嘅賀一賀佢啦🥳-喺OpenRice見到呢一間餐廳冇負評，而且食物嘅賣相都好吸引，價錢都係budget之內，於是就嚟試一試佢，果然冇令我哋失望❤️-餐廳嘅環境同埋氣氛十分舒適，位置唔算太多，所以想食記得一早要book位。由於位置唔多，所以即使我食當晚係full booking,亦都唔會覺得好嘈👍-除咗A la carte之外，餐廳亦都有一人餐同埋二人餐可以選擇，今晚我就揀咗一個店員推介嘅二人餐，因為入邊有好多海鮮，亦有肉類，啱晒我選擇困難症嘅我🙈-1.煙三文魚野菜沙律沙律總共有三款汁醬可以選擇，包括柚子醋、蕃茄蒜、芥末醋，我揀左柚子醋，酸酸地，又帶點果香，很開胃🥳-2.北海道鮮帶子配魚子醬帶子嘅大細令人讚嘆，即使煮過亦都冇縮細到👍呢個帶子總共有五個唔同層次，包括底部嘅菠菜汁、意大利黃瓜、青檸菠菜泡沫、超濃郁嘅魚子醬，同埋係主角嘅七成熟帶子，估唔到所有野會咁夾👍-3.南非活鮑魚隻鮑魚好大隻呀!!!有成隻手掌咁大😻點上綠色的海苔醬，提鮮左好多😻😻令人意想不到的鮑魚膽，煎香左之後估唔到又幾甘香🥳另外，呢度嘅伴碟仲
-
喺OpenRice見到呢一間餐廳冇負評，而且食物嘅賣相都好吸引，價錢都係budget之內，於是就嚟試一試佢，果然冇令我哋失望❤️
-
餐廳嘅環境同埋氣氛十分舒適，位置唔算太多，所以想食記得一早要book位。由於位置唔多，所以即使我食當晚係full booking,亦都唔會覺得好嘈👍
-
除咗A la carte之外，餐廳亦都有一人餐同埋二人餐可以選擇，今晚我就揀咗一個店員推介嘅二人餐，因為入邊有好多海鮮，亦有肉類，啱晒我選擇困難症嘅我🙈
-
1.煙三文魚野菜沙律
沙律總共有三款汁醬可以選擇，包括柚子醋、蕃茄蒜、芥末醋，我揀左柚子醋，酸酸地，又帶點果香，很開胃🥳
-
2.北海道鮮帶子配魚子醬
帶子嘅大細令人讚嘆，即使煮過亦都冇縮細到👍呢個帶子總共有五個唔同層次，包括底部嘅菠菜汁、意大利黃瓜、青檸菠菜泡沫、超濃郁嘅魚子醬，同埋係主角嘅七成熟帶子，估唔到所有野會咁夾👍
-
3.南非活鮑魚
隻鮑魚好大隻呀!!!有成隻手掌咁大😻點上綠色的海苔醬，提鮮左好多😻😻令人意想不到的鮑魚膽，煎香左之後估唔到又幾甘香🥳另外，呢度嘅伴碟仲有赤、綠雞冠草，店員表示雞冠草含有豐富骨膠原，作為貪靚嘅我聽到當然係會食哂佢啦🤪爽爽地又幾特別👍
-
4.西澳龍蝦配龍蝦膏
呢碟食物嘅鮮味，又係令人回味無窮🙈見住店員喺水缸入邊拎出好生猛嘅西澳龍蝦，即劏即燒❤️想唔新鮮都幾難吖🥳西澳龍蝦本身就係刺身級別，所以唔使煮到熟曬，師傅控制到龍蝦好彈牙👍而龍蝦膏醬汁更加係精華，一啖龍蝦嘅鮮甜，配有啖啖龍蝦膏嘅甘香，真係令人懷念🥰
-
5.香煎法國鴨肝
鍾意食鴨肝嘅人一定會對呢一個齒頰留香😭😭超大舊同超厚😭煎得好香，表面好脆，再加埋意大利黑醋汁同埋下面嘅青蘋果，一啲都唔膩，仲超滿足添呀🥺😻
-
6.澳洲牛柳
呢個牛柳同伴菜都十分出色，令到我懷疑究竟主角係邊個🤣🤣牛柳故知然煎得恰巧，咬落去好軟糯，牛味較重😋而伴碟嘅南瓜、翠玉瓜同埋大啡菇，各有各特色，吮指美味
-
7.三文魚籽海膽炒飯
炒飯嘅過程令人目不轉睛，由平平無奇嘅白飯，同埋紅蘿蔔等等嘅配料，變成蛋香十足、粒粒分明嘅炒飯👍最後嘅步驟師傅加上一大羹嘅海膽同埋三文魚籽，係最回本嘅地方啊🤣🤣一啖炒飯有甘甜嘅海膽，又有魚鮮十足嘅三文魚籽，十分滿足🥰
-
8.北寄貝鰹魚清湯
整個套餐的主食以呢一個湯作結，飲一啖感覺比較淡味，但係卻有着好鮮甜嘅餘韻，海帶同埋北奇貝應該就係令呢個湯鮮甜嘅原因❤️
-
9.薑味雪糕配北勝紅豆
嚟到呢度梗係揀一個特別嘅雪糕，薑味雪糕果然有驚喜，佢就好似係薑汁燉奶嘅味道，竟然係有薑嘅辣味，正🥳
张贴
