登堂 (已結業)

好耐都冇食過自助餐啦(๑˃́ꇴ˂̀๑) 好掛住個種任攞唔嬲嘅感覺～不過前幾年開始發現好多自助餐質素都麻麻，加上個陣疫情比較嚴重，所以有一段時間都冇去食！但原來呢排多咗樣嘢叫半自助餐～我就未試過啦～今次一於試吓新嘢，嚟呢間餐廳，食佢嘅半自助餐(⁎⁍̴̛ᴗ⁍̴̛⁎) 入到去，每人叫一樣主菜，廚房會特意為你烹煮，而頭盤同甜品就以自助餐形式，喺Salad Bar可以任拎任食。呢種半自助形式，好岩我呢啲嘴刁又細食嘅人呀～✎ 澳洲羊鞍卷釀嫩菠菜咬落個羊鞍卷度，感覺到前所未有嘅軟腍，但係佢只係得少少肥膏，煮得唔錯，而入面仲加咗少少菠菜，有種fresh 嘅感覺，可解肥膩，口感提升 ！食落有少少羶味，但係可以接受。伴菜芥蘭好爽口，細蕃茄味道酸酸地，幫助提升胃口( *´ސު｀*)✎ 鮮海蝦煙豬腩貓耳粉貓耳粉煙韌有咬口，整碟粉都充滿醬，酸酸哋。蝦幾爽口，煙豬腩條狀少少肥膏，略肥膩 ，食落幾滑嫩，整體味道唔錯(ღˇ◡ˇ)✎ Salad Bar 食物款式都幾多，既有中式料理，例如小籠包、餃子、炒蘿蔔糕等，亦都有西式菜式，好似甜蝦、凍肉拼盤。如果想食海鮮，入面都有螺、青口同蝦。其他仲有一啲咖喱魚蛋、蘿蔔、燒賣、各類沙律配搭、生