大喜屋 (已結業)

有食開放題既人，好多都會聽過大喜屋。只因佢用料足，所以每次預約都一定要提前BOOK左先，如果唔係，一定無位。大喜屋會分左幾輪，由於今日放假關係，我地決定左食5點幾果轉，唔使等咁耐，又可以係訓前消化下。一如以往，去到樓下都係要先等位，你去到見到人龍尾，跟住排隊就係，仲有餐廳職只會過黎問你booking no.，係樓下已經做定分流工作，唔使上到去仲等。刺身類★★★★★大喜屋既刺身真係無可挑剔，每一款刺身都好新鮮，唔會好重雪味，連刺身蝦都有幾款可以揀，其他好似三文魚、象拔蚌、帶子都鮮味十足，剩係刺身都可以叫幾round。壽司卷身★★★★★除左一般食到既卷身，大喜屋仲有D自創既款式，試左幾款都叫唔錯，雖然比較創新，但係味道唔錯，而且細細件，唔會驚食幾件就飽。熟食類★★★★熟食既選擇都好多，牛柳粒、牛舌、和牛肉、雞軟骨，每一款都令人食指大動。而且款式種類多，總有一款岩你口味！