影片
更多
2013-04-02
14 浏览
以窩夫為主嘅甜品試食活動都係第一次參加，在此先多謝公關及店舖方面嘅安排，今次試食二人組得我自己一個去赴會，因為老友食家唔得閒。甜牙牙係溏苑集團旗下另一品牌，旺角店在廣華街附近。而今次我哋就係尖沙咀店試食，尖沙咀係食肆和商店聚集嘅地方，甜牙牙嘅位置便利，就算門口有修路工程，都無阻大家食甜品嘅意慾，在星期六嘅下午，店內仍然人流不絕。甜牙牙有別於傳統嘅甜品店，裝飾以白色為主，店內嘅擺設給人歐陸嘅感覺，食起甜品都特別悠閒寫意，另外當然亦唔少得 '牙' 嘅裝飾。由於今日行程比較緊湊，遲咗少少先到，趕到我大汗疊細汗。店舖提供了小杯給我們飲水用，一來可以解渴，二來可以清一清味蕾，試真啲甜品嘅味道。店主已經悉心為我們安排咗一系列嘅甜品試食，嘩！不得了！十幾個甜品隆重登場，一日就食晒我一個月嘅甜品份量，哈哈哈哈。木糠布丁系列1. 粒粒芒果木糠布丁批澳門嘅木糠布甸出名就係人都知，依家仲出咗好多口味，上次我去澳門都有買嚟食，真係好好味。而呢個甜品靈感都係來自澳門木糠布甸，大大粒芒果放係面，已經很吸引，一層質感重嘅木糠，一層軟滑嘅芒果忌廉慕絲，再加上伴碟嘅芒果醬汁，食起來更有層次感，芒果味鮮，一定受芒果迷嘅歡
甜牙牙係溏苑集團旗下另一品牌，旺角店在廣華街附近。而今次我哋就係尖沙咀店試食，尖沙咀係食肆和商店聚集嘅地方，甜牙牙嘅位置便利，就算門口有修路工程，都無阻大家食甜品嘅意慾，在星期六嘅下午，店內仍然人流不絕。
甜牙牙有別於傳統嘅甜品店，裝飾以白色為主，店內嘅擺設給人歐陸嘅感覺，食起甜品都特別悠閒寫意，另外當然亦唔少得 '牙' 嘅裝飾。由於今日行程比較緊湊，遲咗少少先到，趕到我大汗疊細汗。店舖提供了小杯給我們飲水用，一來可以解渴，二來可以清一清味蕾，試真啲甜品嘅味道。店主已經悉心為我們安排咗一系列嘅甜品試食，嘩！不得了！十幾個甜品隆重登場，一日就食晒我一個月嘅甜品份量，哈哈哈哈。
木糠布丁系列
1. 粒粒芒果木糠布丁批
澳門嘅木糠布甸出名就係人都知，依家仲出咗好多口味，上次我去澳門都有買嚟食，真係好好味。而呢個甜品靈感都係來自澳門木糠布甸，大大粒芒果放係面，已經很吸引，一層質感重嘅木糠，一層軟滑嘅芒果忌廉慕絲，再加上伴碟嘅芒果醬汁，食起來更有層次感，芒果味鮮，一定受芒果迷嘅歡迎。
2. Valrhona 朱古力木糠布丁批驟眼看好似變大咗嘅 Oreo，嘻嘻！粒粒朱古力粒放係面，脆卜卜。一層係用咗法國品牌Valrhona朱古力嘅木糠，朱古力味特別香濃，一層係柔滑嘅忌廉，兩層味道配搭很好。
3. 冰火 Green Tea 木糠布丁
呢個其實係紅豆綠茶木糠布丁批配綠茶雪糕同 '火焰雪山' 嘅混合版，店主選用了日本綠茶粉，綠茶雪糕放在火焰雪山上，一層木糠，再配一層綠茶味慕絲，綠茶味雪糕配上綠茶味慕絲，綠茶味濃郁，紅豆軟硬和甜度適中，更加係綠茶嘅最佳甜品拍檔。
Valrhona 朱古力甜品系列
1. 完熟 Classic心太軟 (軟心朱古力)
我第一次聽完熟呢兩個字，嘻嘻，看看餐牌更特別介紹呢個招牌甜品完熟 Classic心太軟 ，做一個完熟 Classic心太軟一定要分開幾個 Steps 做，要做 Bitter Sweet 就要用不同濃度嘅朱古力。而要做到不同層次，外面就要用上濃度高嘅朱古力做外層，由外到內，由 Bitter 到 Sweet。另外原來 Valrhona 朱古力粉唔係用來灑，而係掃嘅！真係唔講都唔知！用上法國高級朱古力品牌 Valrhona做成嘅軟心朱古力，外面是 85%，而內心是55%，由苦到甜，越食越有層次感。
2. 榛子金莎完熟心太軟 (軟心朱古力)因為有食友遲咗嚟，試唔到之前嘅完熟 Classic心太軟，於是叫咗個榛子金莎完熟 Classic心太軟。外形和用料大致相同，不同嘅軟心朱古力入面係有粒金莎，同埋多咗朱古力粒粒裝飾，食起嚟又再咗一種質感。
流心布丁系列
1. 士多啤梨流心布丁
嘩嘩嘩！愛莓嘅我好鍾意呢個士多啤梨流心布丁，紅色粉紅色，好靚呀！流心布丁靈感來自心太軟，用上新鮮士多啤梨，配上72% Valrhona朱古力碎及Dreyers士多啤梨雪糕，正呀！
2. 流心芒果粒粒布丁而流心芒果就用上大大粒粒新鮮芒果，睇見都想食，切開之後，芒果汁流出，芒果肉新鮮香甜。另外店主介紹時曾提及布丁不會用生雞蛋，真係細心。我自己以前整芒果布丁都有用生雞蛋，哈哈。
3. 荔枝流心布丁淺粉紅色布丁，起初以為我喜愛嘅白桃，嘻嘻！喜愛 Hello Kitty 嘅你，一定要試，因為中間其實是 Hello Kitty 嘅頭，仲有蝴蝶結呢。荔枝布丁內層是荔枝汁及粒粒果肉，加上自家打造的荔枝雪芭，食完清新又涼透心。
窩夫系列1. 三式蕉焗杏仁片片 Chocolate Waffle
跟據餐牌介紹三式蕉係指焦糖蕉蕉，脆蕉蕉，同埋香蕉蕉。平時鍾意食新鮮香蕉多啲，香蕉甜品比較食，估唔到呢個香蕉窩夫，可以用上三種不同方法處理，包括將香蕉煮成香蕉蓉，將香蕉燒過及選用新鮮香蕉。朱古力窩夫外脆內軟，配上朱古力雪糕，朱古力脆珠，朱古力脆卷，食落有不同質感，甜度適中，係一個很豐富嘅甜品。
2. 士多啤梨朱古力脆脆 Chocolate Waffle士多啤梨朱古力窩夫基本上都係用上朱古力雪糕，朱古力脆珠，朱古力脆卷，不同嘅係用上自家製士多啤梨醬，同新鮮士多啤梨，酸酸甜甜，可以中和食朱古力甜品嘅飽滯感。
3. 紅豆綠茶窩夫 (綠茶雪糕)
紅豆同綠茶我自己平時唔多食嘅，紅豆可以好甜，綠茶又可以好甘，雖然佢哋係最佳配搭，不過都未吸引都我。今次試嘅紅豆綠茶窩夫，綠茶雪糕味道很不錯。用上低筋粉嘅窩夫，外脆鬆軟，同平時食開嘅窩夫真係好唔同。
4. 紅豆栗子窩夫 (雲尼拿雪糕)嘩嘩嘩！好多栗子呀！栗子很軟滑，只要我們稍一郁動，放在窩夫上嘅栗子就已經開始搖搖欲墜！紅豆，栗子，窩夫，雲尼拿雪糕，一軟一脆，一冷一熱，配搭有趣。
其他甜品系列
1. 香橘配Valrohna朱古力碎 Pancake
Pancake 係用上日本低筋麵粉配合有機蜜糖做成，用料一啲都唔簡單，而且成本高，睇得出店主嘅用心。Pancake 厚度適中，而奶油的份量亦經店主多次實驗調製，充分表現店主認真嘅態度。Pancake 面上加上自家制香橙乾，份外香甜，而伴碟嘅有新鮮香橙同杏仁片點綴。
2. 宇治金時雪花冰用上日本綠茶粉做成，而奶凍亦是由北海道3.6牛奶製成，雪花冰很幼滑，綠茶雪糕茶味濃郁，仲有很多紅豆伴食，啱晒鍾意食紅豆綠茶嘅朋友。
3. 火焰雪山堡火焰雪山一直好受拍友歡迎，因為只要淋上橙酒，就會有火焰。火焰雪山堡原來內裡都係用窩夫，哈哈，真係估佢唔到！窩夫配上鮮忌廉和新鮮生果，雪糕球蓋上新鮮打蛋白花，有軟有脆，食起來很特別。
4. 下雨天早餐甜品店提供小食都係好常見，今次提供嘅就有靈感來自英式全日早餐，最吸引人嘅就係用上煎蛋竹炭多士，剪蛋係太陽，竹炭多士係陰天，就變成下雨天早餐。明明餐牌內嘅下雨天早餐係沒有窩夫，當我哋見到窩夫時真係好驚喜，哈哈。煎蛋竹炭多士食起來不錯，我最鍾意食蛋汁多士，其他配料有茄汁豆，蕃茄，菠蘿和香腸，最令人意外嘅係香腸內有粟米嘅，很不錯。
5. 薑汁梳乎里梳乎里好高身，原來係店主用獨特處理蛋白的方法，令梳乎里不會於短時期塌下來，真係勁！梳乎里香軟，蛋味香濃，入口即溶，確係唔錯。可以隨自己喜好，加上薑汁，薑味突出。
一次吃了各式各樣樣嘅甜品，真係好滿足，甜牙牙除咗有甜品，亦有提供其他小食套餐，下次有機會要再試。
张贴
