相馬日式火鍋 (已結業)

我同男朋友都超鍾意食大閘蟹，上年嘅時候已經好想試吓大閘蟹放題，但最後Miss咗😵‍💫！今年一早已經book定位🤑準備試吓任食大閘蟹🦀🦀🦀🦀嘅滋味！大閘蟹嘅質素，唔講得笑，全部嘅size都好夠大！絕對冇令我失望！🥹裏面仲有好多金黃色嘅蟹膏，非常Juicy，入口即溶就係呢種感覺！蟹膏回甘味濃，淡淡清香，好creamy! 一個字：正ssssss😄海鮮蒸鍋都絕對值得一讚！開邊蒸琵琶蝦，肥美新鮮，口感豐富有咬口！硯同沙白都冇沙，好fresh ! 呵呵😄跟住就叫咗啲美國進口牛肉，你試吓去打邊爐啦！進口牛肉新鮮，有牛味！完全冇極重嘅梳打粉味，不錯✌🏼最後都叫咗啲粟米仔啊冬菇咁清清腸胃！哈哈哈😹大閘蟹整體質素都非常好🫰🏼，大部份嘅大閘蟹都好新鮮同埋好多膏！店員服務有禮，餐廳環境衛生乾淨🤗令人食得放心！