影片
更多
2018-02-04
316 浏览
2018.01.27 SAT 14:30-15:20sorry 呢間野一次就夠，令我好失望，特登申請account寫食評。同友人一行三人嚟食台式野，雖然係星期六，但較遲去到，所以唔使等就可以入座，環境睇得出有花心思。未見有套餐供應，只能散叫-$78 台式迷你佛跳牆 :一開始係比呢個吸引嚟食，menu聲稱入面有素翅、芋頭、栗子、冬菇、鵪鶉蛋、排骨酥、豬手及魚皮，然而食完都無見過栗子、豬手、魚皮，可能溶咗係底(??)。食落一般般，排骨酥味道同質感都似糉入面既肉，湯冇鮮味，亦未如某飲食誌所講「好黏口」。我個人認為有啲苦味，但朋友就唔覺。值得一讚係鵪鶉蛋有炸過，芋頭夠粉。可不試，唔好有所期待，會失望。-$78 砂鍋麻油雞:一直以為雞先係主菜，其實只有2隻雞槌、一隻雞翼，其他部位通通都冇。酒味濃到飲唔出其他味，唔知好事定壞事，白菜甜、豬血份量足。但麻油雞?? 唔該改名，3件雞加比呢啲部位我，可以改叫雞全翼，仲要係冰鮮貨。呢個可以唔叫，完全唔值呢個價。-$38 魯肉飯 :值得一讚，呢個好好食，唔會食落好油，飯同肉既比例岩岩好，可以食多兩碗。-$38 肉燥乾拌面 :幾好食，但味道神奇地好似冷麵，重蒜
sorry 呢間野一次就夠，令我好失望，特登申請account寫食評。
同友人一行三人嚟食台式野，雖然係星期六，但較遲去到，所以唔使等就可以入座，環境睇得出有花心思。
未見有套餐供應，只能散叫
-$78 台式迷你佛跳牆 :一開始係比呢個吸引嚟食，menu聲稱入面有素翅、芋頭、栗子、冬菇、鵪鶉蛋、排骨酥、豬手及魚皮，然而食完都無見過栗子、豬手、魚皮，可能溶咗係底(??)。食落一般般，排骨酥味道同質感都似糉入面既肉，湯冇鮮味，亦未如某飲食誌所講「好黏口」。我個人認為有啲苦味，但朋友就唔覺。值得一讚係鵪鶉蛋有炸過，芋頭夠粉。可不試，唔好有所期待，會失望。
-$78 砂鍋麻油雞:
一直以為雞先係主菜，其實只有2隻雞槌、一隻雞翼，其他部位通通都冇。酒味濃到飲唔出其他味，唔知好事定壞事，白菜甜、豬血份量足。但麻油雞?? 唔該改名，3件雞加比呢啲部位我，可以改叫雞全翼，仲要係冰鮮貨。呢個可以唔叫，完全唔值呢個價。
-$38 魯肉飯 :
值得一讚，呢個好好食，唔會食落好油，飯同肉既比例岩岩好，可以食多兩碗。
-$38 肉燥乾拌面 :
幾好食，但味道神奇地好似冷麵，重蒜味，加咗我極愛既芫荽。食咗2/3先記得影。
-$32 滷白菜:
豬皮好食，夠彈牙，白菜都鮮甜，正正常常。
-$28 x3 支裝凍飲 :
無珍珠奶茶揀，叫咗洛神花茶同麥冬雪梨茶，麥冬雪梨茶清清淡淡，有不少既雪梨粒係底，貼心地切到細細粒，飲都方便。偷嚐友人既洛神花茶，味道頗濃，酸酸地，正常足料，但$28一支偏貴。
-$38 龍鳳荳花
龍鳳荳花
$38
6 浏览
0 赞好
0 留言
最後加叫，當時已經過咗3點可以叫下午荼，見下午荼可配甜品，詢問店員與正價散叫有何分別，店員回答會少「少少」，三人share想份量多啲，所以無叫下午荼。一上枱大家都無發現異常，台式野一向都係咁細碗，呢個時侯店員望住張單，主動同我地確認係咪散叫既，然後拎返碗野走，原來比咗下午茶既份量我地，再返上枱其實只係多咗2,3粒芋圓地瓜圓，O哂嘴，「少少」真係少少，建議大家到下午茶時間的話，唔好散叫，因為分別唔大。重點芋圓、地瓜圓完全係敗筆，係我食過最難食既，唔Q彈，好粉，真係未食過咁難食，仲要係主打台式野既餐廳食到，絕對大開眼界。成碗野偏甜，荳花ok滑，紅豆綠豆ok粉。
埋單共$386，無加一。
總括而言，係觀塘午餐$129一位，一大半唔好食之餘，女仔都未食飽，同區可以有更好既選擇。呢間無下次。
End.
张贴
