令和居酒屋

营业中

休息中

這間令和鍋物酒場，其實一早已經聽過，但未有時間去試，今日剛好經過，就更加要品嘗一下。餐廳風格非常有日本格調，疫症下去唔到日本，去日本餐廳都可以感受下。主要叫了M6澳洲和牛豬骨濃湯鍋配稻庭烏冬，葛絲，再加串燒拼盤，燒魷魚。M6澳洲和牛，叫得上和牛，真係好好食。油脂分布平均，食和牛就係要食油脂味同埋口感，好味到唔捨得吞。豬骨湯底夠濃，就算唔點醬油，已經好夠味。食到咁上下，加入稻庭烏冬，葛絲，吸收湯汁，味道提升了不少！另外亦有串燒拼盤，當中有雞翼，秋葵，腸，菇，雞軟骨，雞皮，鴨胸和蝦等等，每樣兩件，夠兩個人食唔洗爭。燒完簡單舖上鰹魚節碎，少少海鹽，已經充分帶出鮮味。燒魷魚一夜干亦值得一讚，當還在廚房製作中，香味已經飄到全個餐廳。一塊魷魚一杯酒，談天說地好享受！有魷魚點可以無酒，所以都叫了Suntory黑啤配搭，酒香和魷魚香互相輝映。總括而言，這樣的價錢，能夠食到有日本風又咁好食嘅晚餐，直係物超所值，絕對不會令你失望。