對於我哋呢啲不是常常幫襯的人，久不久吃一次蜜糖磚塊真係視覺和味覺上的享受。近來重要有特價，真係好值得重溫。
朱古力曲奇蜜糖磚塊：三層厚多士中間掏空了，鑲上烘過的多士磚，上面再鋪上cream丶朱古力雪糕丶朱古力漿和Oreo 曲奇及士多啤梨，成個感覺真係好肥好肥好肥，但又好鬼好味同震撼。即時令大媽們變返少女，不斷狂打卡。😍
我哋三個人，除咗叫咗一個磚塊，還叫了兩壼熱帶水果茶。
水果好足料，計有西瓜丶橙丶檸檬丶柑桔丶火龍果丶熱情果丶士多啤梨等，加上橙汁同話梅吊起個味，真係好好飲，不過甜度稍高我哋加咗個熱水落去味近調淡一點，又可飲耐啲。
環境7.5/10
服務7/10
食物8.5/10
衞生8.5/10
回頭率7/10
