燒肉臻 (已結業)

呢排好想食日式燒肉，於是今日就約朋友嚟到呢間餐廳。我哋被安排坐喺高枱嘅位置，前面有一個爐，好似去咗日本咁樣，然後餐廳入面又有清酒機，好得意。首先我哋點咗前菜，係燒日式雞泡魚乾，燒得剛剛好，醬汁調味甜甜的。跟住再食燒肉啦，伊比利亞豬肋條肉質好結實，肉味濃郁，感覺上唔似食緊普通嘅豬肉，好特別！牛肉盛合（廚師發板）呢個賣相超級靚，入面有七款唔同嘅肉，醃製方式都不同，連內臟都有。店員建議由上面開始食起，每一款都好好食，我自己就最鍾意食牛舌同埋美國牛小排。估唔到呢度會有壽喜燒，店員會幫我哋整埋，呢個和牛超出色，入口即溶，一試難忘。明太子紫蘇豚肉卷亦都好特別，冇諗過燒肉會有呢一種食法，估唔到明太子同豚肉燒起嚟係咁夾！第一次食日本雞頸，估唔到原來係咁好食，好滑好Juicy！炭火雞亦都好出色，呢個店員都有幫我哋燒，食落去淡淡的炭火香，而且雞肉都好高質！見到呢度啲雞肉咁好食，於是點埋鹽身單骨雞翼，呢個我哋自己燒，由於雞翼分開咗一半，好易熟，呢度雞肉應該全部都係來自日本，因為平時去日本旅行就係食到呢隻雞翼！海鮮方面我哋揀咗燒白鱔同蟶子，超級出色！兩樣都係店員幫我哋燒，白鱔燒到好趣身，啲油出晒嚟，肉質好結實