影片
更多
2016-02-01
2905 浏览
朋友生日，聽人講依間海鮮好食，所以book位試下。唔太full booking, 可能係平日關係，去到walkin都仲有位！店員推介首爾塔，我地都係第一次食，所以就跟左佢嘅推介^_^奉送四款前菜泡菜夠辣唔會乾曾曾，雖然係送嘅但係quality 幾好！除左揀個塔要邊款，粥底都要揀，我地揀左魚湯，要每人加三十蚊。個塔黎到但入面啲海鮮都係生既，店員話要到大約八十度到先可開始食第一層，而且最好約五分鐘到食一層。蟶子、象拔蚌蟶子好鮮甜，無沙，唔會好，唔點任何汁，原汁原味更好正！點左醬油反而會遮蓋左佢既鮮味！每人有兩隻，好想再翻兜！象拔蚌都唔韌，但無蟶子咁甜，如果再大隻就好，都唔建議點醬油。元貝清蒸元貝平時都有食，但佢依隻好林好鮮甜唔會咬極都咬唔開，連埋啲汁食更鮮味！海蝦夠哂大隻，而且好新鮮，啲肉唔會好似酒樓果咁係梅梅地既，肉質係爽同埋彈牙，啲殻好易撕走唔會痴住啲肉！但五分鐘真係好難清哂呢層🙈🙈北寄貝、龍躉刺身就食得多，清蒸北寄貝都係第一次。清蒸唔會比刺身輸蝕，個人覺得更好味。肉質好爽脆，比蟶子同象拔蚌更爽。龍躉肉質非常嫩滑，而且已經起哂魚，唔駛擔心要挑骨！平時唔鐘意食魚既我都覺得好好食，滑得黎唔
店員推介首爾塔，我地都係第一次食，所以就跟左佢嘅推介^_^
奉送四款前菜
泡菜夠辣唔會乾曾曾，雖然係送嘅但係quality 幾好！
除左揀個塔要邊款，粥底都要揀，我地揀左魚湯，要每人加三十蚊。
個塔黎到但入面啲海鮮都係生既，店員話要到大約八十度到先可開始食第一層，而且最好約五分鐘到食一層。
蟶子、象拔蚌
蟶子好鮮甜，無沙，唔會好，唔點任何汁，原汁原味更好正！點左醬油反而會遮蓋左佢既鮮味！每人有兩隻，好想再翻兜！
象拔蚌都唔韌，但無蟶子咁甜，如果再大隻就好，都唔建議點醬油。
元貝
清蒸元貝平時都有食，但佢依隻好林好鮮甜唔會咬極都咬唔開，連埋啲汁食更鮮味！
海蝦
夠哂大隻，而且好新鮮，啲肉唔會好似酒樓果咁係梅梅地既，肉質係爽同埋彈牙，啲殻好易撕走唔會痴住啲肉！但五分鐘真係好難清哂呢層🙈🙈
北寄貝、龍躉
刺身就食得多，清蒸北寄貝都係第一次。清蒸唔會比刺身輸蝕，個人覺得更好味。肉質好爽脆，比蟶子同象拔蚌更爽。
龍躉肉質非常嫩滑，而且已經起哂魚，唔駛擔心要挑骨！平時唔鐘意食魚既我都覺得好好食，滑得黎唔會太林唔會好易散開。
沙巴肉蟹
估唔到都會有咁多膏，啲膏好鮮甜。
蟹既肉唔算話好多，但都好鮮味！好難五分鐘內食完。
大花蛤 蜆肉 日本南瓜
呢兩樣都好新鮮，但無蟶子咁鮮甜。其中一隻花蛤可能未夠熟，所以無開到口，店主就幫我拎入廚房到蒸👍🏻服務態度值得一讚！
飽魚、日本蕃薯
肉厚而且唔會太韌咬極都咬唔開咁，質素高👍🏻👍🏻👍🏻旁邊既蕃薯先係重點，令人好驚喜！！佢吸哂啲海鮮汁，加上佢本身既甜味，又蒸到好粉好林，入口即溶，好鮮甜好鮮甜！平時唔食蕃薯既我都覺得好好食
仲有一層係海螺，不過太多圖唔夠位放上黎。佢啲螺肉都好新鮮，一吉就整到出黎，唔會食到太lei hea!
最後係個海鮮粥！真係好正好正，雖然食到底層已經好飽，值係試左一啖就停唔到口！我地揀左魚湯做底，個粥又吸哂上面果啲海鮮既精華，好鮮甜好鮮甜而且一啲腥味都無！！
整體黎講好滿意，雖然價錢頗高但絕對值得！因為佢所用既海鮮既quality 都好高好新鮮！就咁睇以為淨係食海鮮會唔飽，但佢每層都會有啲疏菜，例如南瓜、蕃薯、粟米等令人會飽肚！而且呢啲配菜都唔頹，都係好甜好好食！另外，佢個麥茶都好香好好飲，好過飲汽水！佢既服務態度都好好，店員時不時都會走過來幫我地起蓋同埋換碟，又會講解一下每樣海鮮既食法同埋配咩醬更好，值得一讚👍🏻
张贴
