七本(居食屋)日本料理 (已結業)

同朋友想去旺角食日本嘢，上呢個網睇到呢間嘢有十五個笑口同三個喊口，知道評分比例算高，再見到二十蚊三文魚，決定一試。訂埋位六點半準時到，我地係最早既客人。服務少有地好，起碼你覺得佢服務緊你，唔係當你乞佢(好多日本料理侍應面口都唔好)。環境幾乾淨，我地坐既位唔迫，雖然食到後來都要搭枱。食物令我地幾有驚喜，廿蚊三文魚堅過石堅，新鮮、肥美、溫度適中，雖然唔係好厚，但份量都幾足。個人特別鍾意金菇肥牛卷，個汁甜甜地，感覺好有heart.三文魚腩卷，唔會好似一般日本料理咁粗製濫造，飯既酸度同溫度都好，三文魚腩新鮮夠厚，飽肚又好味。龍蝦沙律軍艦有d名過其實同有d唔抵，焗金薯就ok，可以試。 再去叫應該會更好同更平。