影片
更多
2022-06-15
51 浏览
今次係小編第一次外出Fine Dining, 大鄉里感受到咩叫大師級製作, 唔同層次！小編點左個Seven Courses既set, 依家順次序為大家介紹下😆0. Amuse Bouche七道菜開始前會有一個餐前小點，就係一粒朱古力，入面包著nuts及日本雞肝醬一定要成粒咁食，就會feel到唔同層次既味道，由咸味慢慢變為食到朱古力既口感😝幾得意既感覺1. 12 years old caviar green asparagus Bavarois第一道菜主打12年黑魚子先食黑魚子 連埋青露筍蓉食最後再食露筍，由最濃味慢慢到清淡，層次分明2. Fame O - Toro, quinos, black truffle拖羅上檯，外層係一片薄青瓜，入面會有少量藜麥。少少酸味黏感，帶出拖羅肉厚和fresh。3. Porcini mushroom, white truffle foam, cheese cracker牛肝菌蘑菇松露湯 個泡泡係師博打出黎，先飲一啖湯，味道好濃郁；然後再攪勻泡泡，再飲一啖，味道變得creamy, 最後再打碎芝士脆脆落去，原來芝士先係最大嘅驚喜，煙燻薄脆嘅味道，放入湯變得軟
小編點左個Seven Courses既set, 依家順次序為大家介紹下😆
0. Amuse Bouche
七道菜開始前會有一個餐前小點，就係一粒朱古力，入面包著nuts及日本雞肝醬
一定要成粒咁食，就會feel到唔同層次既味道，由咸味慢慢變為食到朱古力既口感😝幾得意既感覺
1. 12 years old caviar green asparagus Bavarois
第一道菜主打12年黑魚子
先食黑魚子 連埋青露筍蓉食
最後再食露筍，由最濃味慢慢到清淡，層次分明
2. Fame O - Toro, quinos, black truffle
拖羅上檯，外層係一片薄青瓜，入面會有少量藜麥。少少酸味黏感，帶出拖羅肉厚和fresh。
3. Porcini mushroom, white truffle foam, cheese cracker
牛肝菌蘑菇松露湯
個泡泡係師博打出黎，先飲一啖湯，味道好濃郁；然後再攪勻泡泡，再飲一啖，味道變得creamy, 最後再打碎芝士脆脆落去，原來芝士先係最大嘅驚喜，煙燻薄脆嘅味道，放入湯變得軟身，令個湯變得有咬口，好特別。
4. Lotus vide french pigeon beet root purse
慢煮白鴿肉，師父介紹係採用法國嘅空運白鴿肉，只取兩邊最好食的部份烹煮至四成熟。
大鄉里有問過佢同乳鴿嘅分別，師父都好耐心講解話乳鴿較細隻肉少，要煮到全熟，主要食脆皮。
但白鴿髀肉厚，可以做到肉扒效果，而白鴿四成熟可有外脆內軟效果，同時避免全熟會有羶味，最後要提提，紅菜頭汁好有驚喜。
5. Daily Fresh Seafood Special
今天的特選海鮮是西班牙紅蝦。師傅煮得全熟，蝦肉好爽口。而佢最主要推介係食完之後，將紅蝦頭蝦膏滴落去自家製嘅墨魚汁意大利麵上。
6. Aust. Wagyu beef M4
扒類今日提供係M4和牛。牛肉medium rare ，鎖住肉汁。而我最鍾意係廚師好有心思喺碟上面整咗好多唔同嘅圖案。
因為之前食扒其實都係最主要講究塊肉質地，但今次廚師很用心把碟上的裝飾都整得好，係會有唔同嘅享受，而且碟上嘅裝飾其實全部都係M4 既醬汁，good good good。
7. Daily Dessert
睇個名好似好簡單咁《是日甜品》，原來真係好戲在後頭。
餐廳超有心思+創意地，將本身焦糖燉蛋煮到九成完成，最尾嗰一成就靠外面冚住個黑布，用火槍燃點，令到燉蛋做到好好嘅效果。
經過呢道菜之後，發覺其實菜式本身可能係單調，但只要你有心去做，絕對有唔同效果（段片之前係IG Story share 過 ）
味道：5/5
環境：5/5
服務：5/5
性價比：5/5
张贴
