茶屋町 (長沙灣道) (已結業)

今日嚟到深水埗，就想睇下呢區究竟有啲咩好食嘅餐廳👀見到OpenRice上面嘅茶屋町評價都唔錯，抱住幾高嘅期望嚟到，可惜最後失望而回😣我嗌嘅係海膽松葉蟹肉意粉🍝意粉係用一個便當盒上俾客人🍱配有一件玉子、甜蕃薯仔、海帶同抹茶大福🍵先講下個主食，意粉係微暖，混合咗海膽醬同酒，感覺都幾creamy，但酒味偏重，我同朋友都認為麻麻哋😟至於松葉蟹肉應該係釀咗係蟹蓋入面，但係唔係好食得出蟹肉...感覺似章魚小丸子嘅饀多啲...至於小食方面，玉子係正常，甜蕃薯仔係凍，海帶極鹹，根本無可能食到🤢甜品方面，個大福入面全部都係普通忌廉，認為如果係抹茶忌廉或者有少少紅豆蓉做饀會比較好😐個人對個甜品都係麻麻...朋友嗌嘅明太子意粉味道比較好...同埋呢道應該比較出名嘅係丼飯/烏冬？有興趣試嘅話試呢兩樣應該比較好😳