美心大酒樓 (已結業)

一班朋友朝早去探人家既BB，主人家就提出一齊去飲茶，於是落到去等位以為大枱要等好耐，但因為美心分咗三種顏色既飛去輪籌，所以我地前後都係等咗5-10分鐘左右就有枱，真幸運！坐低之後，諗住都係慣常攞點心紙揀點心，點知睇睇吓唔對路咁少選擇既，哦~~~原來大部份既點心都係推車既，令我地懷念舊日跟爸爸媽媽出嚟飲茶時，見到推車點心有咩想食就大叫要哩樣要個樣，睇住推車嬸嬸熱辣辣放上枱，感覺好開心唷！有朋友好鍾意食海鮮，佢叫一籠海鮮鮮竹卷，原來係用龍蝦湯做湯底，佢地話好好味唷！南瓜帶子腸粉都唔錯0架！傳統既蝦餃燒賣都好新鮮呀！