個套餐$35包粉麵連佐菜同飲品超掋食， 仲要無味精！
不過太近屋企， 成日食嘅關係， 真係無諗過佢突然要轉讓， 真心唔捨得。
今日我如常叫左個牛腩餃子米線套餐， 配凍檸茶少冰， 再加左碟小棠菜。
米線軟硬度適中， 湯清甜， 餃子係老闆娘自己包嘅菜肉餃
牛腩軟糯入味， 連牛筋都軟， 好好食！
成碗米線都好清好健康。
再配埋呢個青瓜佐菜
青瓜爽甜， 個汁最正
老闆灼嘅小棠菜都爽口清甜， 唔太老， 好味！
仲要老闆同老闆娘都勁nice, 認真唔多捨得呢間甘「屋企」味嘅麵店要轉讓。。
大家趁過年前快啲黎試！
