Exodus Cafe (已搬遷) 新店位置

c耀華街喺銅鑼灣嚟講算係多餐廳林立嘅地方，今日揀咗去Exodus Cafe嘆個靚high tea。由於係樓上cafe，配上音樂，彷彿進入另一國度。Order咗味噌豚肉長通粉、藍莓芝士蛋糕、芝士泡菜玉子燒、士多啤梨藍莓奶昔及蜜糖柚子茶。味噌豚肉長通粉係fusion菜式，慢煮豚肉加埋味噌及牛油嘅味道落長通粉入面，新奇得來原來個味道又好夾，食到停唔到口。玉子燒有好香濃蛋味，入面仲包住香蔥，襯埋面頭嘅泡菜，帶出唔同嘅味道層次。藍莓芝士蛋糕芝士味特別多，鍾意食芝士嘅朋友一定鍾意。士多啤梨藍莓奶昔有濃濃嘅士多啤梨及藍莓味道，完全係飲得出新鮮生果榨出嚟，絕唔係用糖水溝。蜜糖柚子茶就好啱我口味，唔太甜而且有淡淡嘅柚子，飲完個人會暖笠笠。