再興燒臘飯店

营业中

休息中

做完物理治療，同男友搵食，去了頗出名的再興。叫男友叫定飯在再興等我，當然，晚飯時間，好多人等緊位同外賣。但我自己衰，出左物理治療診所行錯路，結果要成二十分鐘先去到再興，見到男友超唔好意思，唔係因為要男友等，係怕男友俾人鬧阻止做生意。但，奇蹟出現。男友仍然響度等，枱上有一碟有蓋的燒味飯。男友話﹕侍應知你行錯路，所以用個蓋幫你蓋好碟飯，等你過黎食唔會凍呀。即刻好感情，老舖食店的伙記一向態度較差，咁樣阻佢個位半個鐘都冇鬧人，仲咁好服務，令我好感大增。不過，男友怕我覺肥，叫了碟瘦叉給我，坦白講，同肥叉味道差好遠，唔好食。食完後，我同男友講，下次請幫我叫半肥叉。