影片
更多
2017-10-06
625 浏览
銅鑼灣一直都係個美食集中地，各種唔同風味嘅餐廳應有盡有，正正因為高手雲集，偶爾會發現到一啲新奇又令人愛不釋手嘅食物，相信以上嘅卡通拉花飲品就係其一。Cafe R&C 一直都以可愛嘅拉花公仔作為賣點，入到去你會見到唔少卡通拉花嘅作品相，小至簡單嘅熊仔大至線條複雜嘅依唷同龍貓都有的揀。地方較小，但約埋一兩個知己嚟傾下計都幾好架。如果比較多人嘅我會建議先打去訂位先。友人叫咗Green Tea Latte，賣相非常吸引，好靚嘅三眼仔同大眼仔！下次再到一定會試下。而我就叫咗Sweet Potato Latte依唷版（$50），淺紫色嘅依唷線條分明，好似電腦畫咁。送到嚟嘅時候奶泡仲係好靚，相信咖啡師畫得非常熟練，打完奶泡即拉即畫。味道方面就略為失色，紫薯味被奶味幾乎蓋過（應該因為奶泡要夠厚先畫到），不過勝在唔會死甜。圖案完整到飲完全杯都仲有個樣係到，咖啡師應記一功。（當然都因為我唔捨得辣手摧花啦哈哈！）除咗以上圖案該店仲有Hello Kitty 版嘅Rose Latte，作為Kitty 迷嘅我下次再嚟必試！作為一個極愛Cream Sauce嘅人，我十萬個鍾意食Risotto，所以一見餐牌有Riso
Cafe R&C 一直都以可愛嘅拉花公仔作為賣點，入到去你會見到唔少卡通拉花嘅作品相，小至簡單嘅熊仔大至線條複雜嘅依唷同龍貓都有的揀。地方較小，但約埋一兩個知己嚟傾下計都幾好架。如果比較多人嘅我會建議先打去訂位先。
友人叫咗Green Tea Latte，賣相非常吸引，好靚嘅三眼仔同大眼仔！下次再到一定會試下。
14 浏览
1 赞好
0 留言
而我就叫咗Sweet Potato Latte依唷版（$50），淺紫色嘅依唷線條分明，好似電腦畫咁。送到嚟嘅時候奶泡仲係好靚，相信咖啡師畫得非常熟練，打完奶泡即拉即畫。味道方面就略為失色，紫薯味被奶味幾乎蓋過（應該因為奶泡要夠厚先畫到），不過勝在唔會死甜。圖案完整到飲完全杯都仲有個樣係到，咖啡師應記一功。（當然都因為我唔捨得辣手摧花啦哈哈！）
11 浏览
0 赞好
0 留言
除咗以上圖案該店仲有Hello Kitty 版嘅Rose Latte，作為Kitty 迷嘅我下次再嚟必試！
作為一個極愛Cream Sauce嘅人，我十萬個鍾意食Risotto，所以一見餐牌有Risotto 就毫不猶疑咁叫咗。
Mushroom Risotto（$80）賣相十分精緻，每粒米都被汁包著，仲落重本放咗唔少黑松露，所以店員一放到我面前就聞到好大陣黑松露味。食落口感偏軟爛，無咗粒粒分明嘅感覺，個人就覺得Overcook咗少少。不過好重菇菌味，加埋好流嘅忌廉汁，非常飽肚。
张贴
