麻辣派對 (已結業)

🌶🥓🍖🥙🍝小粉姐我鍾意食辣，而我今日就去左一間一直都想去試既川菜私房菜'麻辣派對'品嘗一下究竟係咪真係如傳聞一樣咁好食咁有驚喜！😎今日我地有一行五個人，所以都叫左幾多野食先夠，首先我地叫左三個川式冷盤：'麻辣秋葵'、'麻辣皮蛋皮'同'麻辣生腸'，三個頭盤都做得非常出色，麻香同辣都岩岩好，而係三冷盤之中我小粉姐推介既竟然係我平時最唔鐘意食既生腸！我平時好小食生腸因爲好怕整得唔好既內臟同雪味，但今次呢個真係好好味，爽脆之餘非常入味，完全冇內臟味，令我差D仲想叫多碟！食完頭盤後我地再叫左'避風塘炒蟹'、'水煮魚'、'酒糟蝦'、'麻辣雞煲'同'毛血旺'！先講個'避風塘炒蟹'，呢個蟹一上菜已經嚇親你，隻蟹大過我個頭而且啖啖肉，最重要係佢地用左麵包蟹，所以除左啖啖肉之餘仲有香口既蟹膏，呢個真係要比讚！👍🏻其次我最喜歡既就係'酒糟蝦'，雖然呢個唔係麻辣菜，但佢地將蝦頭剪開再原隻煎呢個做法真係十分香口而且酒糟味濃，令我食完一隻又一隻！而'水煮魚'方面可能我地只係叫左小辣，所以對我呢D食開辣既人黎講辣味真係唔多夠，但魚片可以食得出保持到非常之滑溜，同鮮甜，雖然唔辣但絕對唔令人失望。而'毛血旺'，其實就係