天龍咖喱

营业中

休息中

平時小食咖哩的我，因為朋友極力推介呢間的咖哩好好味，所以專程入元朗試下！見到個餐牌，已經被金牌牛魔王咖哩 capture 咗我雙眼😆佢唔單止有飯，仲跟兩塊蔥油酥餅🥨佢嘅咖哩辣度其實好適合香港人囗味，因為有咖哩味得嚟一啲都唔辣！而且非常足料，好多牛腩，好多牛肉，仲有一大塊牛脷！難怪老闆話好大件，一定夠食😂朋友就被芝士和牛漢堡太陽蛋飯吸引咗！佢太陽蛋嘅蛋黃真係好正，一滴一滴咁漏出嚟🍳最驚喜係，冇諗到食咖哩嘅地方居然有羊架同香酥雞食，真係好特別👍👍仲有佢嘅紅豆冰係一定要叫，因為啲紅豆起沙㗎👍😋最後我哋兩個女仔食到捧住個肚走😂😂今次入元朗真係有收穫，你睇佢全院滿座就知啦👍