影片
更多
2016-10-27
14756 浏览
食過幾次極尚，覺得食物質素都keep得唔錯，尤其刺身，厚切有咬口，亦尚算有鮮味，大大盤上枱，有氣勢之餘又不失味道，感覺幾好～除左刺身，兩個皇牌沙律作為頭盤都唔錯，黑松露香氣，加帶子滑滑嘅質感。另一款柚子蝦，蝦肉質唔霉，味道一般，反而柚子夠出味。多款壽司中比較偏好火炙壽司，海鹽左口魚邊同三文魚腩係必點的。三文魚腩入口即溶，肥美，左口魚邊食落較爽滑，而且燒過油花特別香。至於好多人都點嘅海膽軍艦，質素較參差，如果當日遇到甜甜地嘅海膽，唔好猶豫，叫多幾碟啦。燒物泥講大部分都幾好，個人口味鐘意燒菠蘿、燒牛舌、燒帆立貝。菠蘿厚甜多汁，仲話係有機果喎～燒牛舌係近期最愛，唔知點解突然迷上燒牛舌，厚薄適中，如果可以再薄啲會好啲，爽爽地好有肉味又好juicy，加兩滴檸檬汁更加正。再望下粒帆立貝，俾啲沙律粒粒包圍住，比平時就咁燒多幾樣味道，不過比較膩，唔食得太多。芝麻雞翼喺香港日本菜單都好常見，呢度都炸得唔錯，外皮脆雞肉滑，仲幾入味。有個熟食第一次點，黃咖哩炒蟹，個人覺得精髓在於醬汁，香香辣辣，要泥點天婦羅食唔錯～唔知點解明明好飽，臨尾都係會叫個牛肉鍋。菜多過肉，而重點想食只係個薯粉，索晒湯汁精華。呢個牛肉
除左刺身，兩個皇牌沙律作為頭盤都唔錯，黑松露香氣，加帶子滑滑嘅質感。另一款柚子蝦，蝦肉質唔霉，味道一般，反而柚子夠出味。
多款壽司中比較偏好火炙壽司，海鹽左口魚邊同三文魚腩係必點的。三文魚腩入口即溶，肥美，左口魚邊食落較爽滑，而且燒過油花特別香。至於好多人都點嘅海膽軍艦，質素較參差，如果當日遇到甜甜地嘅海膽，唔好猶豫，叫多幾碟啦。
燒物泥講大部分都幾好，個人口味鐘意燒菠蘿、燒牛舌、燒帆立貝。菠蘿厚甜多汁，仲話係有機果喎～燒牛舌係近期最愛，唔知點解突然迷上燒牛舌，厚薄適中，如果可以再薄啲會好啲，爽爽地好有肉味又好juicy，加兩滴檸檬汁更加正。再望下粒帆立貝，俾啲沙律粒粒包圍住，比平時就咁燒多幾樣味道，不過比較膩，唔食得太多。
芝麻雞翼喺香港日本菜單都好常見，呢度都炸得唔錯，外皮脆雞肉滑，仲幾入味。
有個熟食第一次點，黃咖哩炒蟹，個人覺得精髓在於醬汁，香香辣辣，要泥點天婦羅食唔錯～
唔知點解明明好飽，臨尾都係會叫個牛肉鍋。菜多過肉，而重點想食只係個薯粉，索晒湯汁精華。呢個牛肉鍋口味偏甜，薯粉都偏淋身，未必人人喜愛。
最後會送番個哈記雪糕俾你，都有幾款口味，但每次我都會要焦糖脆餅口味，對佢情有獨鍾，亦算係其中一個吸引我泥食放題嘅因素。
放題泥講，食物質素都幾高，坐又坐得舒服，服務覺得一次好過一次添，三百蚊唔算平但合理。價錢低質素低嘅放題年代已過，久不久同朋友gathering下暢談暢飲一番都唔錯丫～
张贴
