影片
更多
2019-12-04
142 浏览
之前上網見有人推介呢間幸福單品咖啡，見到三文治嘅賣相相當吸引，而且仲有好多不同產地嘅咖啡豆供客人選擇，就bookmark左一定要嚟試。呢間小店由台灣老闆娘主理，由煮野食到沖咖啡都親力親為，而且對食客十分親切。Cafe位於住宅大廈嘅平台，店舖裝修充滿異國風情，環境開揚得來又好有特色，牆上掛滿唔同產地咖啡豆嘅資訊，睇得出餐廳對靚咖啡嘅追求。我點了份鹹牛肉蛋三文治，麵包可以選擇要白麵包或者麥包，炒蛋更可以揀要黑芝麻或者黑胡椒等等不同嘅香料，非常有心思。麵包烘得表皮呈金黃色而香脆，內裏嘅麵包則厚而鬆軟，饀料嘅份量亦好多，蛋炒得香滑之外有黑胡椒嘅點綴份外香口惹味。最後就當然係重點要介紹嘅咖啡，呢度淨係咖啡豆嘅產地就有多達幾十種俾食客選擇，價錢由$35到$90以上都有，可以話係照顧晒唔同喜好嘅人。咁多選擇令人睇到眼花撩亂，要從中揀好一款都唔容易。個人比較鍾意帶果香味嘅咖啡，同時又唔想濃度太高，經過一番掙扎之後就揀左坦桑尼亞嘅咖啡豆一試。呢杯咖啡帶香濃嘅果香味，所以味道係偏向酸而唔會苦，口感好醇，整杯咖啡都唔駛落奶或者糖，就咁原汁原味就係最好味！加上呢杯咖啡就算放涼左都依舊保留其果香味，絕對係杯靚咖
我點了份鹹牛肉蛋三文治，麵包可以選擇要白麵包或者麥包，炒蛋更可以揀要黑芝麻或者黑胡椒等等不同嘅香料，非常有心思。麵包烘得表皮呈金黃色而香脆，內裏嘅麵包則厚而鬆軟，饀料嘅份量亦好多，蛋炒得香滑之外有黑胡椒嘅點綴份外香口惹味。
最後就當然係重點要介紹嘅咖啡，呢度淨係咖啡豆嘅產地就有多達幾十種俾食客選擇，價錢由$35到$90以上都有，可以話係照顧晒唔同喜好嘅人。咁多選擇令人睇到眼花撩亂，要從中揀好一款都唔容易。
個人比較鍾意帶果香味嘅咖啡，同時又唔想濃度太高，經過一番掙扎之後就揀左坦桑尼亞嘅咖啡豆一試。呢杯咖啡帶香濃嘅果香味，所以味道係偏向酸而唔會苦，口感好醇，整杯咖啡都唔駛落奶或者糖，就咁原汁原味就係最好味！加上呢杯咖啡就算放涼左都依舊保留其果香味，絕對係杯靚咖啡。
我會認為呢度真係香港難得一見嘅高質良心咖啡店，絕對打入我心目中頭幾位嘅最佳cafe!
张贴
