Spade by Lassana (已結業)

約咗朋友出嚟敘舊同比台灣手信我，所以約出嚟旺角食晚飯，每次都是係由我選擇餐廳，今次我為咗甜品先去呢間，之前去過茶x同pokka cxxx食磚頭麵包呢種甜品，今次又想食返果種甜品，但就想試第二間嘅，食完呢間之後，我唔會再去茶x果間，因為呢間真係太好食。 我地兩個女仔叫咗牛油果雞肉沙律三文治$36，肉醬千層麵$62，甜品：日本風情$88三文治嘅涵料好多，多到要滿瀉。雞肉好瘦，可以話係零脂肪，成個三文治食落感覺好清新，好適合做早餐。肉醬千層麵，好普通，芝士都幾多。呢款甜品,我仲食過茶x同pokka cxxx，相比起嚟,Spade by Lassana嘅好食d。食呢款甜品通常食到最後會食剩外層嘅多士，但裹面d涵又食哂，就咁食外層嘅多士會好單調,但呢間就唔會。因為呢間嘅厚多士表面係焗到好脆，外脆內軟,表面仲搽上蜜糖,所以就咁食外層嘅多士都好好味,我個fd食咗少少,但我一個人不知不覺都食哂，但相比起果兩間，呢間價錢係最貴。