A.B.D.茶餐廳 (已結業)

以茶餐廳質數黎講，算唔錯架喇，茶餐廳味道 ~ 炒粉麵夠鑊氣，味道夠濃、份量足，選擇多 ~ 推介咖喱汁、黑椒汁，各類炒飯。如果飯市唔叫 set lunch、簡單快餐、雞牛豬的話，真係等廿分鐘都未必有得食呀 ~ 舖仔細細、枱櫈都好窄，坐得唔舒服，但有電視睇囉 ~黑椒什扒飯炒底，有太陽蛋、雞中翼一隻、半件雞扒、煙肉、豬扒。我記得之前好似有腸仔架喎，不過叫什扒係咁架喇。黑柒柒既黑椒汁微辣、濃味，撈炒飯勁香口。炒飯口感可以啦，再乾啲更好，飯市繁忙時間，求其左啲。蛋少，有啲孤寒喎，蛋香不足。雞扒、雞翼、豬扒石接受啦，係煙肉乾左啲囉，啱鬼佬食。