Pom's Diner (已易手)

佐敦站附近有各式各樣的餐廳，講到西餐就不得不提呢一間！見到openrice既食評都指呢間餐廳裝潢定食物質素都非常不錯，所以今日就決定放學後黎試一試！向來喜歡食肉既我，立即眼裡只有肉眼扒！肉眼扒既size有a4紙既四分一大，厚度有1cm，份量完全唔可以睇少！見圖就知，廚師整到肉眼扒一格格網燒花紋咁，吸引力大增！叫左6成熟的肉眼扒，血水收乾左，切開只會見到中間一層粉紅色的柔嫩的肉肉，吃下的會感受到肉汁爆曬出黎！肉眼扒可以做到充滿牛肉的新鮮味，一點都無雪藏味，本人覺得好犀利！配上分量十足的肉類，旁邊有黑醋沙津及薯仔就已經好充分啦！黑醋既味道非常醒神開胃，所以非常欣賞！另，薯仔還有薯仔皮纏著，食落下係好有咬口！話雖食肉會好濟，但女士往往有第三個胃，就係用黎裝甜品！藍莓芝士蛋糕，小巧得食落去會減下罪惡感！細細件，慢慢嘆下咁！