影片
更多
2022-02-20
245 浏览
Beans新開咗屯門分店，當然要去食下喇。星期六中午去等咗一個鐘到，同其他分店繁忙時間差唔多喇，都係無得攞飛，要乖乖地企係到等。叫咗三個主食同三杯飲品。一開始嚟咗個黃金蟹肉意粉，真係好有鹹蛋黃嘅味道，但就蓋過咗蟹肉同意粉味，得返鹹蛋黃好鞋嘅口感⋯之後嚟咗牛肉漢堡(叫咗五成熟)嚟到好大份，啲薯條睇落都唔係淋曬嘅。但佢塊包係似烘過5秒左右，完全無烘乾身，所以已經俾啲蛋液同醬汁整到個包軟曬，肉扒切開亦係已經全熟咁，條醃青瓜係原條上，酸到我完全感覺佢係個罐到好新鮮咁夾出嚟再放上去，無任何開胃作用，唔知餐廳自己有無試過味。到The Backyard Breakfast，嚟到呢一刻我所有嘅期待感已經無曬，有個waffle唔似waffle嘅好厚實嘅物體，好普通嘅煎腸、bacon、mushroom 甚至嚟到已經唔係熱，但個哈密瓜係好甜，稱得上係成餐最好食嘅。已經開始食咗45分鐘，所有飲品都係未到，淨係可以叫同事俾幾杯清水，再催咗次，終於有杯熱特濃朱古力，個樣好靚，一飲…係自己屋企求其沖仲濃過佢。等多20分鐘，再催多2次終於杯凍鮮奶綠茶到喇，嗯…就係好普通嘅味道…跟住叫個柚子芝士慕絲芝士蛋糕甜品可以上喇
叫咗三個主食同三杯飲品。一開始嚟咗個黃金蟹肉意粉，真係好有鹹蛋黃嘅味道，但就蓋過咗蟹肉同意粉味，得返鹹蛋黃好鞋嘅口感⋯之後嚟咗牛肉漢堡(叫咗五成熟)嚟到好大份，啲薯條睇落都唔係淋曬嘅。但佢塊包係似烘過5秒左右，完全無烘乾身，所以已經俾啲蛋液同醬汁整到個包軟曬，肉扒切開亦係已經全熟咁，條醃青瓜係原條上，酸到我完全感覺佢係個罐到好新鮮咁夾出嚟再放上去，無任何開胃作用，唔知餐廳自己有無試過味。
到The Backyard Breakfast，嚟到呢一刻我所有嘅期待感已經無曬，有個waffle唔似waffle嘅好厚實嘅物體，好普通嘅煎腸、bacon、mushroom 甚至嚟到已經唔係熱，但個哈密瓜係好甜，稱得上係成餐最好食嘅。
已經開始食咗45分鐘，所有飲品都係未到，淨係可以叫同事俾幾杯清水，再催咗次，終於有杯熱特濃朱古力，個樣好靚，一飲…係自己屋企求其沖仲濃過佢。等多20分鐘，再催多2次終於杯凍鮮奶綠茶到喇，嗯…就係好普通嘅味道…跟住叫個柚子芝士慕絲芝士蛋糕甜品可以上喇，同時我再催咗2次杯熱伯爵latte，係講緊已經等咗超過1小時，仲係話出緊嚟㗎喇見到整緊，10分鐘後我仍然未見到我杯飲品，最後我叫佢其實如果未整不如幫我取消佢，就5分鐘後終於見到。係有好輕微嘅伯爵茶反而佢嘅香料味更重，雖然係latte但唔係smooth係稀…等咗我超過1小時就係咁…個蛋糕係唔差嘅，見到其他人都有叫甜品個樣都好大份好靚大家可以試下嘅。
我唔知係因為星期六繁忙時間所以有甩漏同延遲，定係佢午餐嘅水準就係咁…希望下次有機會再去可以有改善到。
张贴
