金裝燉奶佬餐廳 (美孚新邨) (已結業)

晚飯黎食飯，叫左一個茄子魚柳煲，送湯和一碗白飯。湯可以揀中湯或者西湯，即係豬骨湯或者羅宋湯。我叫左一個羅宋湯，好多菜，好好味。白飯正常啦～不太硬不太“林”，剛剛好。但個茄子魚柳煲就唔係好得。個茄子魚柳一上枱就“咋咋”聲，感覺熱辣辣，好似好正咁。 單張上話係脆炸魚柳，但啲魚柳實際上真係一啲都唔脆，粉到不得了，懷疑炸左唔知幾耐好在啲茄子都好新鮮，又入味，叫做補番少少分數。所有材料份量都好足。食完都飽飽。