鶴旭 (已結業)

最近大角嘴就開左間新拉麵店，襯人少少就去食左啦。今次就嗌左佢地既招牌，慢煮雞•原湯叉燒拉麵 同 刺身蝦帶子牛乳烏冬，諗住試下食啦，點知一食就中晒伏啦。先講個拉麵先啦，啲麵煮得偏硬，有啲似味千拉麵啲麵，但你賣到咁既價錢，我就覺得落差有啲大，之後就講個湯頭啦，好普通冇咩特別，有啲似平時飲啲雞湯既味，唔算特別好飲，仲有啲膩，食左一半就頂唔緊，之後啲餸就有溫泉蛋 洋蔥 木耳 叉燒 同慢煮雞肉，叉燒覺得可以烤下佢，而慢煮雞咬落又唔覺得話好嫩，仲有少少柴，咁既質素既拉麵配唔上佢咁既價錢，唔太明白點解啲人咁都話正。牛乳烏冬呢，都係個個問題，食一半就覺得好膩，但個烏冬食落質地都唔錯，啲海鮮就都係普普通通，但絕對對唔起呢碗野既價錢，個湯就唔多好飲啦，可能自己食唔慣牛乳湯底啦，但就同想像中差咁啲咁，但肯定稱唔上好食啦。最後就覺得性價比就唔高啦，最後埋單仲要加一，我諗都唔會有興趣再去多次食啦，其實餐廳既佈置都唔錯，環境都開揚，音樂就揀得幾好，幾有日本餐廳既特色，相信都花左唔少心機落去，但食物方面就真係麻麻，呢方面真係有待改進。