哥哥添飯•妹妹泡茶 (已結業)

星期五同同事第一次黎食午餐，睇到牛肉麵非常吸引，滿心期待。點知落咗單幾乎20分鐘，再向職員追單，職員先同我哋講牛肉賣晒，話「你哋都睇到今日好多人嗌牛肉麵㗎啦」。公司嘅午餐時間只有一個鐘，已經好趕，等咗咁耐先同我哋講冇晒，叫我哋轉其他午餐。無奈之下我哋轉左蠔仔湯麵，味道係幾清甜嘅，但係唯有喺10分鐘食完，趕返公司，搞到仲有啲胃痛添。