唐宮中餐廳

营业中

休息中

今早我們去咗九龍維景酒店嘅「唐宮中餐廳」飲早茶！我們叫咗順德蜆蚧煎鯪魚餅、瑤柱帶子腸、杞子銀杏浸菜苗、豉汁蒸鳳爪、懷舊臘腸卷、瑤柱鷄絲粉卷、糖醋子排、汕頭潮式炒飯同金沙煎堆仔！順德蜆蚧煎鯪魚餅一咬落去就成口都係油，非常油膩！瑤柱帶子腸嘅腸粉相當「階」口，一啲都唔嫩滑！杞子銀杏浸菜苗不過不失！豉汁蒸鳳爪嘅鳳爪蒸得過咗火，醬汁亦淡而無味！懷舊臘腸卷嘅臘腸好肥好粗糙！瑤柱鷄絲粉卷嘅粉卷好厚身同好「階」口，鷄肉好韌同好油膩！糖醋子排嘅排骨好老好韌，肉質非常粗「階」！汕頭潮式炒飯炒得相當油膩，一啲都唔乾身！唯一一樣可以讚嘅係金沙煎堆仔，煎堆仔炸得好金黃香脆，入面係流沙，味道相當香甜！